“Özbekneftgaz” işi böyiça ayblanuvçilar soni 25 nafarga yetdi
“Özbekneftgaz” sobiq rahbari Bahodir Sidiqovga oid jinoyat işida ayblanuvçilar soni 25 nafarga yetdi. Ular orasida sobiq soliq qömitasi rahbariyati vakillari ham bor.
“Özbekneftgaz” ishi bo‘yicha ayblanuvchilar soni 25 nafarga yetdi
“Özbekneftgaz” AJ sobiq boshqaruv raisi Bahodir Sidiqovga nisbatan qo‘zg‘atilgan jinoyat ishi doirasida ayblanuvchilar soni 25 nafarga chiqdi. Bu haqda “Gazeta.uz” sud tizimining yangilangan ma’lumotlariga tayanib xabar berdi.
Oldinroq ushbu ish bo‘yicha to‘qqiz nafar shaxs ish figuranti ekani bildirilgan edi. Oliy sudning yangi ma’lumotlariga ko‘ra, ayblanuvchilar soni 25 nafarga yetgan.
Ular orasida Soliq qo‘mitasi raisining sobiq birinchi o‘rinbosari Momin Mirzayev ham bor. Unga o‘zlashtirish yoki rastrata yo‘li bilan talon-toroj qilish (Jinoyat kodeksining 167-moddasi 3-qismi “a” bandi) hamda mansab soxtakorligi (209-modda 2-qismi “a” bandi) bo‘yicha ayblovlar qo‘yilgan.
Mirzayev boshqa jinoyat ishi bo‘yicha ham avval sudlangan. 2026 yil iyul oyida sud uni Jinoyat kodeksining 167, 205-moddalari (hokimiyat yoki mansab vakolatini suiiste’mol qilish) va 209-moddasida nazarda tutilgan jinoyatlarni sodir etishda aybdor deb topib, sakkiz yil ikki oy muddatga ozodlikdan mahrum qilish jazosini tayinlagan.
Boshqa ayblanuvchilar qatorida “Özbekneftgaz” boshqaruvi raisining sobiq o‘rinbosari Baxtiyor Anarqulov, kompaniyaning xaridlar departamenti sobiq rahbari Dilmurod Burxonov, Enter Engineering vakili Ulug‘bek Usmonov hamda Eriell Management vakili Nodirjon Boboyev bor.
Bahodir Sidiqovning o‘ziga o‘zlashtirish, mansab vakolatini suiiste’mol qilish, mansab soxtakorligi va jinoiy daromadlarni legallashtirish ayblovlari qo‘yilgan.
Qolgan ish figurantlariga esa qo‘yilgan ayblovlarga qarab, talon-toroj qilish, mansab soxtakorligi, vakolatni suiiste’mol qilish, jinoiy daromadlarni legallashtirish, soliq to‘lashdan bo‘yin tovlash va boshqa huquqbuzarliklar bilan bog‘liq ayblovlar ilgari surilgan.