TXMM toʻgʻrisidagi Konstitutsiyaviy qonun qabul qilindi
Hujjat mintaqada moliyaviy va investitsiya muhitini rivojlantirishda asosiy boʻgʻinga aylanadigan Toshkent хalqaro moliya markazi (TXMM) ishtirokchilari uchun alohida huquqiy rejim, imtiyozlar va хalqaro standartlarni joriy etadi.
TXMM toʻgʻrisidagi Konstitutsiyaviy qonun qabul qilindi
Prezident 2026 yil 13 iyulda "Toshkent xalqaro moliya markazi toʻgʻrisida"gi OʻRQ-1158-sonli Konstitutsiyaviy qonunni imzoladi.
Ushbu qonunda TXMMning alohida hudud sifatidagi maqomi va uning hududida amal qiladigan maxsus huquqiy rejim belgilangan bo‘lib, dastlabki chegaralari Prezident farmoni bilan aniqlanadi.
Markaz hududida bank va investitsiya faoliyati, sug‘urta, qimmatli qog‘ozlar bozoridagi operatsiyalar, to‘lov tizimlari, islomiy moliya, moliyaviy texnologiyalar, auditorlik, konsalting, yuridik va boshqa xizmatlar ko‘rsatishning alohida tartibi o‘rnatiladi.
Qonunda markaz ishtirokchilarining alohida maqomi, maxsus imtiyozlar, shu jumladan soliq va boshqa preferensiyalar, shuningdek, xorijiy investorlar va mutaxassislar uchun qulayliklar belgilangan.
TXMMning har bir qarori kuchga kirgunga qadar uning qarorlarining rasmiy reyestrida e’lon qilinishi shart.
Markaz hududida moliyalashtirish, kredit mahsulotlari, brokerlik faoliyati, qimmatli qog‘ozlar bilan operatsiyalar, pul o‘tkazmalari, to‘lov va valyuta ayirboshlash xizmatlari, moliyaviy, investitsiya va bank maslahatlari bo‘yicha faoliyat amalga oshiriladi.
Qonun qoidalarini yoki uning qarorlarini buzgan holda tijorat yoki moliyaviy faoliyatni amalga oshirgan TXMMning har qanday ishtirokchisi quyidagi miqdordan oshmaydigan jarima bilan jazolanadi:
• Huquqbuzarlikka sabab bo‘lgan tegishli bitim, o‘zaro bog‘liq bitimlar majmui yoki faoliyat qiymatining 10 foizi.
TXMM organlari quyidagilardir: Kengash, Ma’muriyat, Moliyaviy xizmatlar boshqarmasi, shuningdek, Toshkent xalqaro tijorat sudi.
TXMMning har bir organi moliyaviy yil tugaganidan keyin 4 oy ichida shaffoflik to‘g‘risidagi yillik hisobotni e’lon qilishi shart.
Ingliz tili TXMMning rasmiy tili hisoblanadi.
Hujjat Qonun hujjatlari ma’lumotlari milliy bazasida e’lon qilingan va 2026 yil 25 iyuldan kuchga kirdi.
footer_copyrights Sayt «NORMA» MChJ tomonidan ishlab chiqilgan Manzili: O‘zbekiston, 100105, Toshkent shahri, Mirobod tumani, Tallimarjon ko‘chasi, 1/1. Tel.: 78-150-11-72, Call-markaz:1172. Bosh administrator: Mosin Konstantin Vasilyevich. Sayt materiallarini resurs ma’muriyati roziligisiz ko‘chirib olish taqiqlanadi. © «NORMA» MChJ, 2007-2026 y. Barcha huquqlar himoyalangan.
Bizning saytimizda joylashtirilgan materiallardan foydalanish shartlari
Bizning portalimizda axborotni joylashtirish