Toshkentda zilzila sodir bo‘ldi

Toshkentda yer silkinishi qayd etildi.

Joriy yilning 31-iyul kuni soat 16:13 da Toshkent viloyatining Zangiota tumanida 2,8 magnitudali zilzila yuz berdi.

Yerosti silkinishlari quyidagi hududlarda sezilgan:

* Uchtepa tumani — 3 ball;

* Shayxontohur tumani — 2–3 ball;

* Chilonzor tumani — 2–3 ball;

* Olmazor tumani — 2 ball;

* Zangiota tumani — 2 ball;

* Yunusobod tumani — 2 ball;

* Yakkasaroy tumani — 2 ball;

* Sergeli tumani — 2 ball;

* Mirobod tumani — 2 ball.

Favqulodda vaziyatlar vazirligining xabar berishicha, zilzila oqibatida hech qanday talafotlar qayd etilmagan.

Eslatib o‘tamiz, Toshkent shahrida bundan avvalgi sezilarli yer silkinishi joriy yilning 27-iyun kuni Afg‘onistonning Badaxshon hududida sodir bo‘lgan 6,8 magnitudali zilzila natijasida kuzatilgan bo‘lib, poytaxtda 2–3 ball darajasida sezilgan edi.