Sudlanganligi bo‘lgan migrantlarga Rossiya fuqaroligini olish taqiqlandi
14 yoshga to‘lgan migrantlar IIV hududiy organlariga sudlanmaganligi to‘g‘risida ma’lumotnoma taqdim etishlari shart bo‘ladi.
Rossiya Federatsiyasi prezidenti Vladimir Putin tomonidan imzolangan yangi qonunga ko‘ra, sudlanganligi bo‘lgan muhojirlarga Rossiya fuqaroligini olish yoki vaqtinchalik yashash huquqini qo‘lga kiritish taqiqlandi.
Qonun Rossiya hududida yoki undan tashqarida sodir etilgan jinoyatlar uchun sudlanganligi bekor qilinmagan chet el fuqarolari va fuqaroligi bo‘lmagan shaxslarga Rossiya fuqaroligini berishni man etadi. Shuningdek, ularga vaqtinchalik yashash uchun ruxsatnoma berish ham rad etiladi.
Bundan tashqari, 14 yoshga to‘lgan muhojirlar Ichki ishlar vazirligining hududiy bo‘linmalariga sudlanmaganliklari to‘g‘risida ma’lumotnoma taqdim etishlari shart.
Ushbu talab quyidagi toifadagi chet el fuqarolariga nisbatan qo‘llanilmaydi: qochqin deb tan olinganlar, siyosiy yoki vaqtinchalik boshpana olganlar, 14 yoshga to‘lmaganlar, Rossiya qurolli kuchlari safida shartnoma asosida xizmat qilganlar, shuningdek, ilgari bunday ma’lumotnomani taqdim etganlar.