Senatda AQSH Davlat departamenti vakili bilan uchrashuv boʻlib oʻtdi
Oliy Majlis Senati Raisining birinchi oʻrinbosari Sodiq Safoyev AQSH Davlat kotibining Janubiy va Markaziy Osiyo ishlari boʻyicha yordamchisi Samir Pol Kapur bilan uchrashdi.
Senatda AQSH Davlat departamenti vakili bilan uchrashuv oʻtkazildi
Toshkent, Oʻzbekiston (UzDaily.uz) — Oliy Majlis Senati Raisining birinchi oʻrinbosari Sodiq Safoyev AQSH Davlat kotibining Janubiy va Markaziy Osiyo ishlari boʻyicha yordamchisi Samir Pol Kapur bilan uchrashdi.
Muzokaralar davomida Oʻzbekiston va AQSH oʻrtasidagi aloqalarning hozirgi holati va kelajakdagi rivojlanish istiqbollari muhokama qilindi.
Suhbat chogʻida soʻnggi yillarda ikki davlat oʻrtasidagi sheriklik sifat jihatidan yangi bosqichga koʻtarilgani taʼkidlandi. Oʻzaro manfaatli hamkorlikni yanada mustahkamlash uchun mavjud imkoniyatlardan samarali foydalanish muhimligi qayd etildi.
Samir Pol Kapur Oʻzbekistonda amalga oshirilayotgan keng koʻlamli iqtisodiy islohotlarni, shuningdek, Markaziy Osiyoda yaxshi qoʻshnichilik, oʻzaro ishonch va mintaqaviy hamkorlikni mustahkamlashga qaratilgan siyosatni yuqori baholadi.
Uchrashuv davomida AQSH delegatsiyasiga Oʻzbekiston Oliy Majlisining faoliyati, parlamentning davlat va jamiyat hayotidagi oʻrni, shuningdek, amalga oshirilayotgan islohotlarni huquqiy jihatdan taʼminlash borasidagi ishlar haqida umumiy maʼlumot berildi.