Odessadagi port o‘qqa tutildi: savdo kemasi dengizchilari halok bo‘lgan.
Ukraina esa RF yashirin floti tankerlariga muntazam ravishda zarba bermoqda..
Odessadagi portga o‘q uzildi: savdo kemasi dengizchilari halok bo‘ldi. Ukraina esa Rossiya yashirin floti tankerlariga muntazam ravishda zarba bermoqda.
Rossiya armiyasi 13 iyul kuni Odessa viloyatining Chernomorsk shahridagi port infratuzilmasini o‘qqa tutdi, deb ma'lum qildi region rahbari Oleg Kiper.
Hujum natijasida portda turgan, Togo bayrog‘i ostida suzuvchi savdo kemasida yong‘in sodir bo‘ldi. Kiperning ma'lumotlariga ko‘ra, kemada mineral o‘g‘it yuklangan edi. Ekipajning besh a'zosi halok bo‘ldi, yana o‘n kishi jarohatlandi. Halok bo‘lganlarning qaysi davlat fuqarolari ekanligi aniqlanmagan.
Bu oxirgi bir oy ichida Rossiya zarbasi natijasida savdo kemalari ekipaji a'zolari halok bo‘lishi bilan bog‘liq uchinchi holatdir. 22 iyun kechasi dronlar hujumi natijasida turklarning Panama bayrog‘i ostida Ukraina tomon suzayotgan yuk kemasida yong‘in chiqqandi. Natijada kema oshpazi halok bo‘lib, sakkiz dengizchi evakuatsiya qilingan.
Ushbu voqeadan uch kun oldin Rossiya dronlari Panama va Sent-Kits va Nevis bayroqlari ostida harakatlanayotgan kemalarga zarba bergandi. Birinchi kemada bir kishi halok bo‘lib, yana ikki kishi yaralangan, ikkinchisida esa uch kishi jarohat olgan.
Ukrainalik harbiylar so‘nggi vaqtlarda Azov dengizi akvatoriyasida Rossiyaning g‘alla ortilgan tankerlari va kemalariga zarba berishni sezilarli darajada kuchaytirdi.
Ukraina qurolli kuchlari Pilotsiz tizimlar kuchlari qo‘mondoni Robert Brovdi («Madyar») 12 iyul kungi bayonotida o‘tgan hafta davomida dronlar Rossiyaning 90 dan ortiq savdo kemalariga zarba berganini ma'lum qildi – uning ta'kidlashicha, bu kemalarning barchasi RF yashirin floti tarkibiga kiradi.
Ushbu davomli zarbalar natijasida kamida bir kishi halok bo‘lgani ma'lum – 10 iyul kuni Taganrog ko‘rfazida dronlarning «turli maqsadlardagi» to‘rtta kemaga hujumi natijasida matros halok bo‘ldi, deb xabar berdi Rostov viloyati rahbari Yuriy Slyusar.
Yoz boshidan buyon Ukraina qurolli kuchlari zarbalari natijasida eng ko‘p qurbonlar soni 5 iyun kuni qayd etilgan: o‘shanda ukrain dronlari Turkiyadan Rostov-Donga kelayotgan ikki kemaga hujum qilgandi. Besh dengizchi halok bo‘lgan, ularning barchasi Ozarboyjon fuqarolari edi.
Fuqarolik kemalariga hujum qilish jinoyat sifatida baholanishi mumkin. «Savdo kemalari fuqarolik obektlari hisoblanadi va agar ular harbiy nishon sifatida belgilangan mezonlarga mos kelmasa, hujumdan himoyalangan bo‘ladi», – degandi BMT Inson huquqlari bo‘yicha oliy komissari boshqarmasi aprel oyida, Rossiya yuk kemasi ekipajining uch nafar Ukraina qurolli kuchlari hujumi natijasida halok bo‘lganidan so‘ng.
O‘shanda BMT dengizchilar tinch aholi vakillari ekanini va «qasddan qilingan hujumlar nishoni bo‘la olmasligini» ma'lum qilib, urushayotgan tomonlar ularga zarar yetkazmaslik uchun «barcha zarur ehtiyot choralari»ni ko‘rishi kerakligini eslatgandi.
Ukraina qurolli kuchlari bosh shtabi tankerlar va paromlar qonuniy nishonlar ekanini ta'kidlamoqda, bu tankerlar sanksiyalarni chetlab o‘tgan holda neft tashish uchun foydalanilishi, paromlar esa «RF qurolli kuchlari manfaatlari yo‘lida yuk tashishi» bilan izohlanadi. Rossiya harbiylari Ukraina kemalariga bergan zarbalari yuzasidan izoh bermayap