Messi o‘rmon yong‘inlaridan jabr ko‘rgan Madrid tumaniga xayriya qildi

Messi Madrid viloyatidagi o‘rmon yong‘inlaridan zarar ko‘rgan hududga xayriya qildi

"Inter Mayami" hujumchisi Lionel Messi Ispaniyaning Syerra-Oeste-de-Madrid hududida yuz bergan o‘rmon yong‘inlari oqibatlarini bartaraf etish va hududni qayta tiklash uchun shaxsiy hisobidan 80 ming yevro ajratdi. Bu haqda Madrid avtonom hamjamiyati prezidenti Isabel Dias Ayuso ma’lum qildi.

Ayuso o‘zining ijtimoiy tarmoqlardagi sahifasida shunday yozdi: "Leo Messi Syerra-Oeste-de-Madridni tiklash uchun 80 ming yevro xayriya qildi. Men unga o‘z minnatdorchiligimni bildirmoqchiman va madridliklar uni munosib tarzda olqishlash uchun tashrifini intiqlik bilan kutayotganini aytib o'tmoqchiman".

Eslatib o‘tamiz, Messi Argentina terma jamoasi tarkibida AQSH, Meksika va Kanadada bo‘lib o‘tgan Jahon chempionatida kumush medalni qo‘lga kiritgan edi. Jamoa hal qiluvchi final o‘yinida Ispaniyaga 0:1 hisobida mag‘lub bo‘lgan.