“Liverpul” Barkolya boʻyicha muzokara oʻtkazdi. Futbolchi 170 million yevroga baholanmoqda

"Liverpul" Barkolya borasida muzokaralar olib bordi. Futbolchi 170 million yevroga baholanmoqda.

Jurnalist Ben Jeykobsning xabar berishicha, "Liverpul" "PSJ" vingeri Bredli Barkolyaning transferi yuzasidan dastlabki muzokaralarni oʻtkazgan.

Hozircha klublar oʻrtasida rasmiy muzokaralar boshlanmagan, biroq ular yaqin orada boshlanishi kutilmoqda.

23 yoshli hujumchi uchun kelishuv transfer narxiga bogʻliq. Fransiya klubi futbolchini 170 million yevroga baholamoqda, ammo mersisaydliklar bu narxni pasaytirishga harakat qilmoqda.

Barkolyaning oʻzi ham "PSJ"dan ketishni istamoqda. Uning shartnomasi yana ikki yildan soʻng yakunlanadi.

Agar bu yozda Barkolya boʻyicha kelishuvga erishilmasa, kelasi yili "PSJ" uni ancha arzonroq narxga sotishga majbur boʻladi, chunki futbolchi yangi shartnoma imzolashni xohlamayapti.