KinoTest: “O‘g‘irlanmagan kelin”, “Hayotda hamma narsa bo‘ladi” kabi hind kinolarini bir ko‘rishda taniysizmi?
“Goho shodlik, goho g‘am”, “Mening ismim Xon” singari filmlar yulduzi Kajol 52 yoshni qarshiladi. Sana munosabati bilan Gazeta aktrisaning filmografiyasi asosida test tayyorladi.
KinoTest: "O‘g‘irlanmagan kelin" va "Hayotda hamma narsa bo‘ladi" kabi mashhur hind filmlarini bir qarashda ajrata olasizmi?
Olti marotaba "Filmfare" mukofotiga sazovor bo‘lgan Kajol Devgan 1974-yil 5-avgustda Hindistonning Bombey (hozirgi Mumbay) shahrida dunyoga kelgan.
Aktrisa o‘zining ilk rolini 1992-yilda "Haqiqiy sevgi" ("Bekhudi") filmida ijro etgan bo‘lsa-da, uning keng tanilishiga bir yildan so‘ng suratga olingan "Firibgar" ("Baazigar") filmi sabab bo‘ldi. Keyingi yili "Qalbim o‘g‘risi" ("Yeh Dillagi") filmida rol o‘ynagan Kajol, 1995-yilda premyerasi bo‘lib o‘tgan "O‘g‘irlanmagan kelin" filmidan keyin katta shuhrat qozondi.
1997-1998-yillar davomida u "Karan va Arjun" ("Karan Arjun"), "Ishq", "Sevib qolishdan qo‘rqmang" ("Pyaar Kiya To Darna Kya"), "Dushman" va "Hayotda hamma narsa bo‘ladi" ("Kuch Kuch Hota Hai") kabi filmlarda ishtirok etgan.
Shuningdek, Kajol 2001-yilda "Goho shodlik, goho g‘am" ("Kabhi Khushi Kabhie Gham"), 2006-yilda "Jonim fido" ("Fanaa"), 2010-yilda "Mening ismim Xon" ("My name is Khan") va 2015-yilda "Sevishganlar" ("Dilwale") filmlaridan tashqari ko‘plab boshqa kinokartinalarda ham rol ijro etgan.
Ushbu sana munosabati bilan Gazeta Bollivud yulduzi ishtirokidagi filmlar asosida maxsus test tayyorladi.