“Bank tizimiga ishonch kamayadi” – mutaxassislar pul o‘tkazmalari nazorati haqida

Fuqaroning bank kartasiga boshqa shaxslardan bir oy davomida 500 BHM (206 mln so‘m)dan ortiq summada pul o‘tkazilsa, banklar bu haqda soliq organiga xabar berishga majbur qilinishi mumkin. Soliq qo‘mitasining bu istagini Markaziy bank konstitutsiyaga zid deb baholadi. Kun.uz suhbatlashgan soliq maslahatchilari Yorqin Abdullayev va Dilmurod Usmonov mazkur tashabbusning huquqiy va iqtisodiy oqibatlariga baho berdi.