74 yoshli Lui van Gaal yana Niderlandiya terma jamoasini boshqarishi mumkin

74 yoshli Lui van Gaal yana Niderlandiya terma jamoasiga murabbiylik qilishi mumkin.

Taniqli gollandiyalik murabbiy Lui van Gaal Niderlandiya Qirollik Futbol Assotsiatsiyasi (KNVB) bilan milliy terma jamoa bosh murabbiyligi bo‘yicha muzokaralar o‘tkazishga tayyorligini bildirgan, deya xabar beradi De Telegraaf.

Uning hozirgi salomatligi ishlashiga imkon beradi, biroq terma jamoaga qaytish uning asosiy maqsadi emas. Agar Niderlandiya futbol assotsiatsiyasi istasa, u muzokaralarga ochiq. Van Gaal terma jamoaning aksariyat futbolchilari bilan tanish va xalqaro turnirlarni muntazam kuzatib boradi, deyiladi xabarlarda.

Lui van Gaal avvalroq Niderlandiya terma jamoasini 2000-2001, 2012-2014 va 2021-2022-yillarda boshqargan.

2014-yilgi jahon chempionatida u Niderlandiya terma jamoasi bilan 3-o‘rinni egallagan.