Öзбек тили şунçалик бойки, бу сöзларни эşитиб ҳайратланасиз!
Узоқовоз, оқтелпак, бадинжон, ... Кундалик ҳаётимизда ишлатадиган сўзларимизнинг ўзбекча муқобилларини биламизми? Келинг, она тилимизнинг биз
Ўзбек тили шу қадар бойки, бу сўзларни эшитиб ҳайратда қоласиз!
Сиз қўлингиздан сира туширмайдиган, бугунги кунда асосий иш қуролингизга айланган телефон ўзбек тилида қандай аталишини биласизми?
Телефон — узоқовоз, деярли ҳар куни дўконда ишингиз тушадиган терминал эса чегара деб номланади.
Компютер — ҳисоблагич, клавиатура — тугмалар тахтаси, аеропорт — бандаргоҳ, стюардесса — меҳмондўст, самолёт — учоқ, вертолёт — парракли учоқ, ракета — кичик урчуқ бўлади ўзбекчада.
Сиз зебрани кўраман деб зоопаркка борадиган ҳайвон эса аслида ёввойи эшак, жирафа — бўйиноёқ, бегемот — сув айғири, каркидон эса биршох эканини сизга ҳали ҳеч ким айтмагани турган гап.
Официантнинг гиргиттон эканини кўпчилик билса керак. Аммо рестораннинг қайта тикловчи деб аталишини ҳамма ҳам билавермайди.
Янги йилни ёдга солувчи мандарин аслида маслаҳатчи, апелсин — пўртахол, лимон — туринж, ананас — қарағай олмаси, банан — муз, анор — донодор, малина — мўймурч, картошка — еролма, помидор — қизилўнги, бақлажон — бадинжон, попкорн — оқтелпак, холодес эса қотирма дейилишини-чи?
Севимли шоколадингиз аччиқ сув, спирт эса ачитқи сув бўлишини эшитганмисиз? Ҳеч бўлмаса, ой охиригача ишлатиб туриш учун ишхонадан бўнак олгандирсиз?
Хуллас, ўзбек тили биз ўйлагандан-да бой, жозибадор ва улкан имкониятларга эга тил. Баъзан хорижий атамаларга шунчалик кўникиб кетамизки, уларнинг ўз тилимиздаги муқобилларини излаш, ўрганиш ва кундалик ҳаётимизда қўллаш кераклигини ҳам унутиб қўямиз.
Бугун ўзбек тилимизга 37 йил тўлди. Йиллар ўтгани сайин тилимизнинг имкониятларини чуқурроқ англаётган, унинг бойлиги ва жозибасини қадрлаётган, соф ўзбекча сўзларни ўрганишга ва оммалаштиришга интилаётган ёшлар сафининг кенгайиб бораётгани қувонарли.
Зеро, тилни севиш — уни фақат эъзозлаш эмас, балки ўрганиш, асраш, бойитиш ва кундалик ҳаётда ундан фаол фойдаланиш ҳамдир. Ўзбек тилининг эртаси бугун уни қанчалик қадрлашимизга, келажак авлодга қай даражада етказишимизга боғлиқ.