Йил бошдан буён Ўзбекистондан 6 мингдан ортиқ киши хорижга кўчиб кетди
2026-йилнинг 9 ойи мобайнида Ўзбекистондан хорижга 6 398 киши кўчиб кетган. Шунингдек, мамлакатга чет элдан
Йил бошидан бери Ўзбекистондан 6 мингдан ортиқ киши хорижга кўчиб кетди
2026-йилнинг илк тўққиз ойида Ўзбекистондан жами 267 144 киши кўчиб кетган.
Шундан 260 746 нафари мамлакатнинг бошқа ҳудудларига, 6 398 нафари эса хорижий давлатларга кўчган.
Мазкур даврда Ўзбекистонга кўчиб келганлар сони 262 860 нафарни ташкил этган. Уларнинг 260 746 нафари мамлакатнинг бошқа ҳудудларидан, 2 114 нафари хориждан келган.
Йиллар бўйича солиштирилганда, 2026-йилнинг январ–сентябр ойларида хорижга кўчиб кетганлар сони 2025-йилнинг шу давридаги 7 585 нафардан кам бўлган. 2024-йилда бу кўрсаткич 8 374 нафарни, 2023-йилда 14 666 нафарни, 2022-йилда эса 3 152 нафарни ташкил этган.
Хориждан Ўзбекистонга кўчиб келганлар сони 2026-йилнинг дастлабки тўққиз ойида 2 114 нафар бўлиб, 2025-йилдаги 1 133 нафардан юқори бўлган. 2024-йилда 1 736 нафар, 2023-йилда 2 262 нафар ва 2022-йилда 1 489 нафар киши хориждан кўчиб келган.
2026-йил январ–сентябр ойларида Тошкент шаҳрига жами 91 142 киши кўчиб келган, 65 072 киши эса бошқа ҳудудларга ёки хорижга кўчиб кетган.
Тошкент вилоятида кўчиб келганлар 36 968 нафарни, кўчиб кетганлар 39 071 нафарни ташкил этган. Самарқанд вилоятида эса 15 770 киши кўчиб келган, 18 950 киши кўчиб кетган.
Қашқадарё вилоятида кўчиб келганлар сони 13 011 нафар, кўчиб кетганлар эса 18 539 нафар бўлган. Навоий вилоятида бу кўрсаткичлар мос равишда 13 992 ва 15 401 нафарни ташкил этган.