Европа киноси фестивали Тошкентда ва илк бор Урганчда бўлиб ўтади
XI Европа киноси фестивали Ташкентда 23 октябрдан 25 октябргача бўлиб ўтади, 27 октябрда эса илк бор Урганчда ўтказилади. Дастурдан 11 та фильм ўрин олган. Барча намойишлар бепул бўлади.
Европа киноси фестивали Тошкентда ва илк бор — Урганчда бўлиб ўтади
Тошкентдаги XI Европа киноси фестивали намойишлари 23 октябрдан 25 октябргача Ўзбекистон Миллий киносанъати саройида бўлиб ўтади. 27 октябрь куни фестиваль илк бор Урганчда қабул қилинади. Бу ҳақда ташкилотчилар — Европа Иттифоқининг Ўзбекистондаги Делегацияси маълум қилди.
Дастурдан 11 та фильм — драмалар, биографик, ҳужжатли ва анимацион картиналар ўрин олган. Уларнинг бир қисми миллий ва халқаро киномукофотлар билан тақдирланган.
Фестиваль учун фильмларни Кипр, Франция, Германия, Греция, Италия, Латвия, Литва, Люксембург, Руминия ва Словения элчихоналари тақдим этди. Тадбирни ташкил этишда шунингдек Гёте институти ва Тошкентдаги Француз альянси ҳам иштирок этмоқда.
28 октябрь куни Ўзбекистондаги Британ кенгаши Ўзбекистон давлат жаҳон тиллари университети билан ҳамкорликда талабалар учун қисқа метражли фильмлар намойишини ўтказади. Фестиваль доирасида шунингдек Moc Hub маданий маконида очиқ кинонамойишлар режалаштирилган.
Барча намойишларга кириш бепул. Фильмлар ўзбек ёки рус тилларидаги субтитрлар билан аслият тилида намойиш этилади.
Фестиваль 2013 йилдан бери ҳар йили ўтказиб келинмоқда. У Европа Иттифоқининг Ўзбекистондаги Делегацияси томонидан Европа мамлакатлари элчихоналари билан ҳамкорликда, Маданият вазирлиги ҳузуридаги Кинематография агентлиги кўмагида ташкил этилади.
11:00 — «Хилпилашни унутма» (Литва) 16+
Оилавий муносабатлар, фарзандликка олиш қийинчиликлари ва ғамхўрлик ҳамда назорат ўртасидаги нозик чегара ҳақидаги психологик драма.
14:00 — «Қор қоплонини излаб» (Франция) 12+
Миллий «Сезар» мукофоти лауреати, энг тутиб бўлмас йиртқич — қор қоплонини қидириш ҳақидаги ҳужжатли фильм. Жаворни полициячи-фотографи Венсан Мюнье ва ёзувчи Сильвен Тессон билан биргаликда томошабин қор қоплонининг яшаш жойи бўлмиш Тибет тоғлигига йўл олади.
18:00 — «Эннио» (Италия) 12+
Жаҳон кинематографи афсонаси — композитор Эннио Морриконе — илк бор кадрда ўзи пайдо бўлди ва ҳужжатли фильмнинг бош қаҳрамонига айланди. «Эннио» — муаллифнинг архив материаллари, камёб концерт ёзувлари ва машҳур ҳамкасблари ҳамда дўстларининг буюк композитор ҳақидаги самимий ҳикоялари жой олган автобиографик тарих.
11:00 — «Василис Михаилидис — Яширин шамоллар» (Кипр) 12+
Энг машҳур миллий Кипр шоири — Василис Михаилидис ҳақидаги ҳужжатли фильм. Ажойиб шоир ва рассом замондошлари ва авлодларига ёрқин ижодий мерос қолдирган.
14:00 — «Ника» (Словения) 16+
Картинг пойгалари дунёси билан яшайдиган, характери бор ўсмир ҳақидаги спорт драмаси. Тезликка бўлган иштиёқ Никанинг отасини автоҳалокатда олиб кетган ва бугунги кунда ушбу фожиа унинг онаси билан бўлган муносабатларига кучли таъсир қилади. Оилавий хотиржамлик эрксевар ва қайсар Никанинг орзуси сари боришига халақит беради.
18:00 — «Плюш айиқча ҳаётидан бир кун» (Греция) 14+
Баъзида кимдир ташлаб юборган плюш айиқча танишув учун баҳона бўлиши мумкин. Икки мутлақо бошқа дунё — хитойлик ғижжакчи Лю Цзиньси ва грециялик архитектор Панос — ўзгача муҳитдаги Шанхай бўйлаб узоқ романтик сайрга чиқиш учун тўқнаш келишди.
11:00 — «Агар мен бўлмасам-чи» (Люксембург) 16+
Орта ёш инқирози ҳақидаги Европа трагикомедияси. Бош қаҳрамон Матье ишдаги ва оиладаги чексиз босимдан чарчаб, ҳаётини тубдан ўзгартиришга қарор қилади. Ёш чегарасидан ўтиб, у ўрмонда ва ёлғизликда яшаб, ўз ҳаётини қайта англашга ҳаракат қилади.
14:00 — «Уля» (Латвия) 12+
Афсонавий латвиялик баскетболчи, икки карра олимпия чемпиони Ульяна Семёнованинг ёшлиги ҳақидаги бадиий биографик фильм. Картина 2026 йил сентябрь ойида прокатга чиқди ва мамлакат тарихидаги энг кўп томоша қилинган латвия фильмларидан бирига айланди.
18:00 — «Юрфак тўдаси» (Румыния) 18+
Фильм Михай Адриан Хотканинг шу номли китоби асосида суратга олинган бўлиб, биринчи курсдан бери дўст бўлган ҳуқуқшунослик факультетининг етти нафар талабаси ҳақида ҳикоя қилади. Ҳақиқий дўстлик йиллар ўтиб мустаҳкамланди ва жиддий синовга — «тўда аъзоларидан» бирининг қизининг касаллигига дуч келди.
11:00 — «Боғдаги қайиқ» (Франция, Люксембург) 12+
Урушдан кейинги йилларда ёш қаҳрамон Франсуанинг катта ва қизиқарли ҳаётга ўтиши ҳақидаги анимацион фильм. Бу ерда улғайиш метафораси оилавий боғда денгизчи Джошуа Слокамнинг машҳур кемасининг аниқ нусхаси бўлган елканли кемани ота-онаси билан биргаликда қуришда иштирок этиш бўлди. Ушбу оилавий ижодий жараён ўз йўлини излашга асос солади.
14:00 — «Карла» (Германия) 16+
Немис драмаси томошабинни 1962 йилдаги Мюнхенга олиб боради. 12 ёшли Карла Эбель уйдан қочиб кетади ва отаси томонидан шафқатсиз тарбияга рози бўлмай, оилада эмас, балки полицияда қўллаб-қувватлаш ва ҳимоя излайди.
16:30 — «Плюш айиқча ҳаётидан бир кун» (Греция) 14+
Баъзида кимдир ташлаб юборган плюш айиқча танишув учун баҳона бўлиши мумкин. Икки мутлақо бошқа дунё — хитойлик ғижжакчи Лю Цзиньси ва грециялик архитектор Панос — ўзгача муҳитдаги Шанхай бўйлаб узоқ романтик сайр қилиш учун тўқнаш келишди.
Батафсил дастур ва кинонамойишлар жадвали билан Европа Иттифоқининг Ўзбекистондаги Делегациясининг расмий саҳифаларида танишиш мумкин.