Ямшик-чамшик
Ўзбекистондаги иш ҳақи Марказий Осиёдаги энг паст кўрсаткичлардан бири бўлиб чиқди
Ҳам ғариб, ҳам камбағал
Ўзбекистон иш ҳақи даражаси бўйича Марказий Осиёдаги қўшниларига рақобатчи бўла олмади. ЎзР Миллий статистика қўмитаси маълумотларига кўра, жорий йилнинг иккинчи чорагида ўртача ойлик номинал ҳисобланган иш ҳақи бор-yoʻғи 591 АҚШ долларини ташкил этди.
МО мамлакатлари орасида Қозоғистон етакчи бўлди — 988 доллар. Евразия иқтисодий комиссияси маълумотларига кўра, Қирғизистонда 2026 йилнинг биринчи ярим йилида номинал иш ҳақи 615 долларга, Тожикистонда эса 358 АҚШ долларига етди.
МДҲ мамлакатлари билан солиштирганда, уларнинг бештасида 2026 йилнинг биринчи ярим йилидаги иш ҳақи Ўзбекистондагидан юқори бўлиб чиқди. Хусусан, ҳамдўстлик давлатлари орасида энг юқори номинал ҳисобланган иш ҳақи жорий йилнинг январь–июнь ойларида Россия (1,4 минг долл.) ва Беларусь (1 минг доллардан ортиқ) мамлакатларида қайд этилди.
Эътиборлиси, ушбу мамлакатларда 2026 йилнинг биринчи ярим йилида иш ҳақи турли суръатларда ўсди. Номинал иш ҳақининг энг юқори индекслари Қирғизистон (127,5%) ва Тожикистонда (119,6%) қайд этилди.
Ўзбекистонда ушбу кўрсаткич динамикаси ўтган йилнинг шу даврига нисбатан мўътадилроқ бўлди: индекс 118,4% ни ташкил этди — бироқ бу барибир Қозоғистон (110,3%), Россия (112,7%), Беларусь (113,2%) ва Арманистондагидан (105,5%) юқоридир.