Хонадонлардан чақирувлар, чиқинди учун жарималар ва аҳоли илтимосига кўра ишдан бўшатиш: Ўзбекистонда милиция фаолияти қандай ўзгаради
Ўзбекистонда ички ишлар органлари фаолияти ислоҳ қилинади. Президент участка инспекторлари, патруль-пост ва ЙПХ хизмати фаолияти қоидаларини ўзгартирувчи қарорни имзолади. Бош мақсад — одамларга тезроқ ёрдамга етиб бориш ва қоидабузарликларни бевосита жойида бартараф этиш. Участка инспекторлари учун нималар ўзгаради? • Аҳоли участка инспекторини ишдан бўшатиши мумкин бўлади. Инспектор фаолиятининг бош кўрсаткичи — одамларнинг ишончи. Агар маҳалла аҳли ўз […]
Хонадонлардан чақирувлар, чиқинди учун жарималар ва аҳоли талабига кўра ишдан бўшатиш: Ўзбекистонда милиция фаолияти қандай ўзгаради
Ўзбекистонда ички ишлар органлари фаолиятини ислоҳ қилиш амалга оширилмоқда. Президент участка инспекторлари, патруль-пост ва ЙПХ хизматлари иш тартибини ўзгартирувчи қарорни имзолади. Асосий вазифа — одамларга тезроқ ёрдам кўрсатиш ва қоидабузарликларни тўғридан-тўғри жойида бартараф этишдир.
Инспектор фаолиятининг бош кўрсаткичи фуқароларнинг ишончи бўлади. Агар маҳалла аҳли ўз участка инспекторига қарши овоз берса, у жазоланиши ёки ишдан бўшатилиши мумкин.
Участка инспекторлари маҳалла ичида йўл ҳаракати қоидаларини бузишнинг 4 та тури бўйича мустақил равишда огоҳлантириш бериши ва жарима расмийлаштириши мумкин бўлади. Бундан ташқари, уларга илгари туман ички ишлар бўлими бошлиғи ҳузурига боришни талаб қилган 9 турдаги майда ҳуқуқбузарликларни кўриб чиқиш ҳуқуқи берилди.
Участка инспекторларини ўзларига тегишли бўлмаган ишларга жалб қилиш тақиқланади. Ходимларнинг ўзлари ҳам ҳимоя қилинади: уларнинг фаолиятига тўсқинлик қилганлик учун жарима жорий этилади.