Хитой океанда öзи ҳаракатланадиган 74 минг тоннали илмий «орол» қурмоқçи
Хитойда океан çуқурликларини узоқ муддат öрганиşга мöлжалланган, сув сиğими 74 минг тоннали öзиюрар сузувçи илмий платформа қуриş бöйиçа şартнома тузилди. Унда олтита лаборатория ва экипаж ҳамда тадқиқотçиларни қöşиб ҳисоблаганда, 238 киşи уçун жой бöлади.
Хитой океанда ўзи ҳаракатланадиган 74 минг тонналик илмий «орол» қурмоқчи
Лойиҳа шу турдаги тадқиқотлар учун махсус яратиладиган дунёдаги илк сузувчи сунъий «орол» сифатида тақдим этилмоқда. У катта илмий мажмуа имкониятларини кеманинг ҳаракатчанлиги билан бирлаштириши керак.
Платформадан Шанхай Сзяо Тун университети фойдаланади. Уни лойиҳалаш ва қуриш Хитой давлат кемасозлик корпорацияси — СССС таркибидаги Шангҳаи Ваигаоқиао Шипбуилдинг компаниясига топширилган.
Қурилишни 2028-йилда бошлаш, тайёр платформани эса 2030-йил июнда буюртмачига топшириш режалаштирилган.
Узунлиги 138, эни 85 метр
Платформа катамаран шаклидаги иккита корпус ва ярим ботиқ асосий конструксияга эга бўлади. Лойиҳага кўра, унинг узунлиги 138 метр, эни 85 метрни ташкил этади. Максимал ҳаракат тезлиги соатига қарийб 20 километрга етиши кўзда тутилган.
Икки корпусли тузилиш очиқ денгизда узоқ вақт ишлашда барқарорликни таъминлаши керак.
Техник талабларга кўра, платформа денгиз ҳолатининг халқаро шкаласи бўйича етти баллгача бўлган тўлқинланишда ишлай олиши лозим. Бундай шароитда сезиларли тўлқин баландлиги тахминан 6–9 метр бўлади.
Шунингдек, конструксия соатига 260 километрдан юқори барқарор шамол кузатиладиган кучли тайфунларга бардош беришга мўлжалланмоқда.
Платформанинг асосий хусусиятларидан бири — мустақил ҳаракатланиш имконияти. Бир нуқтага доимий маҳкамланган денгиз иншоотларидан фарқли равишда, у илмий вазифаларга қараб бир ҳудуддан бошқасига ўта олади.
Бортдаги лабораториялар, яшаш хоналари ва кенг ищи палуба олимларга портга тез-тез қайтмасдан, очиқ денгизда узоқ муддат тадқиқот олиб бориш имконини бериши кутилмоқда.
Илмий мажмуада оғир денгиз ускуналари ва муҳандислик тизимларини синаш, хавфли денгиз ҳодисалари, метеорология ҳамда океан экотизимларининг узоқ муддатли ўзгаришларини ўрганиш режалаштирилган.
Тадқиқотлар катта чуқурликларда ишлаш технологияларини ҳам, Жаҳон океани ҳолатига таъсир қилувчи табиий жараёнларни ҳам қамраб олади.