Хитой Давлат кенгаши Бош вазири Ли Цян расмий ташриф билан Ўзбекистонга келди

Хитой Давлат кенгаши бош вазири Ли Цян 17 октябрь куни расмий ташриф билан Тошкентга келди. У Ўзбекистонда икки кун бўлади, шундан сўнг Тожикистонга йўл олади.

Хитой Ташқи ишлар вазирлиги хабар қилишича, ташриф Ўзбекистон бош вазири Абдулла Ариповнинг таклифига биноан амалга оширилмоқда.

Ташриф давомида Ли Цян Ўзбекистон бош вазири Абдулла Арипов билан биргаликда Тошкентдаги "Янги Ўзбекистон" паркига ташриф буюрди. Хитой бош вазири Мустақиллик монументи пойига гулчамбар қўйди ва мажмуа концепцияси билан танишди.

ХХР ТИВ Пекин мамлакатлар ўртасидаги сиёсий ишончни янада мустаҳкамлаш ва ўзаро манфаатли ҳамкорликни кенгайтиришга умид қилаётганини таъкидлади. Вазирлик, шунингдек, сўнгги йилларда икки давлат ўртасидаги муносабатлар айниқса фаол ривожланаётганини қайд этди.

Бундан ташқари, август ойида ХХР раиси Си Цзиньпин ва Ўзбекистон президенти Шавкат Мирзиёев Бишкекда учрашув ўтказиб, унда икки томонлама муносабатларни ривожлантиришнинг кейинги йўналишларини белгилаб олган эдилар.