Хитой БРИКС мамлакатлари учун СИ соҳасида халқаро ҳамкорлик марказини ташкил этади
Хитой БРИКС мамлакатлари учун сунъий интеллект соҳасида халқаро ҳамкорлик марказини ташкил этади. Бу ҳақда ХХР раиси Си Цзиньпин бирлашманинг Нью-Деҳлидаги XVIII саммитида маълум қилди. Хитой етакчисининг сўзларига кўра, янги марказ сунъий интеллект технологияларини биргаликда ишлаб чиқиш ва тажриба алмашиш, энг аввало, Глобал Жануб мамлакатлари ўртасида ҳамкорлик майдонига айланади. Си Цзиньпин БРИКС давлатларини ушбу ташаббусга қўшилишга чақирди […]
Хитой БРИКС мамлакатлари учун сунъий интеллект соҳасида халқаро ҳамкорлик марказини ташкил этиш ниятида. Бу ҳақда ХХР Раиси Си Цзиньпин бирлашманинг Нью-Делидаги XVIII саммитида маълум қилди.
Хитой етакчиси таъкидлаганидек, янги майдонча сунъий интеллект технологияларини биргаликда ишлаб чиқиш ва тажриба алмашиш, энг аввало, Глобал Жануб мамлакатлари ўртасида ҳамкорлик қилиш учун мўлжалланган бўлади. Си Цзиньпин БРИКС давлатларини марказ ишига қўшилишга чақирди.
Пекин, шунингдек, очиқ кодли технологияларни янада фаол ривожлантириш ва СИ соҳасидаги тадқиқотлар ҳамда ишланмалар натижаларидан биргаликда фойдаланиш тарафдори.
Хитой сунъий интеллектни саноатда қўллашга алоҳида урғу беришни таклиф қилмоқда. Хитой СИни тадқиқ қилиш ва жорий этишда шериклар билан ҳамкорлик қилишга, шунингдек, ишлаб чиқариш ва етказиб бериш занжирларида ўзаро ҳамкорликни ривожлантиришга тайёр.
БРИКСнинг XVIII саммити 12–13 сентябрь кунлари Нью-Делида Ҳиндистон раислигида бўлиб ўтмоқда. Учрашув кун тартибидан технологиялар, савдо ва инвестициялар, энергетика ва озиқ-овқат хавфсизлиги, соғлиқни сақлаш, шунингдек, глобал институтларни ислоҳ қилиш ўрин олган.
Сунъий интеллект аллақачон БРИКС мамлакатлари ҳамкорлик йўналишлари қаторига киради. 2024 йилда Россия Президенти Владимир Путин бирлашманинг СИ соҳасидаги альянсини тузишни таклиф қилган эди. 2025 йилда сунъий интеллектни ривожлантириш ва тартибга солиш ҳам БРИКС устуворликлари рўйхатига киритилди.