Узбекистон аэропортлари ва вокзалларида багажни бепул сақлаш ҳамда Wi-Fi жорий этиш таклиф қилинди
Ўзбекистоннинг халқаро аэропортларида, йирик темир йўл ва автовокзалларида багажни 24 соатгача бепул сақлашни жорий этиш ва йўловчиларни камида бир соат бепул Wi-Fi билан таъминлаш таклиф қилинди. Шунингдек, расмий такси буюртма қилиш учун электрон терминаллар ўрнатиш режалаштирилмоқда. Ушбу чора-тадбирлар жамоатчилик муҳокамасига қўйилган қарор лойиҳасида назарда тутилган. Ҳужжатга кўра, янги хизматларни 2027 йил 1 июлдан бошлаб босқичма-босқич жорий этиш режалаштирилмоқда […]
Ўзбекистон аэропортлари ва вокзалларида багажни бепул сақлаш ва Wi-Fi жорий этиш таклиф қилинди
Ўзбекистоннинг халқаро аэропортларида, шунингдек, йирик темир йўл ва автовокзалларида багажни 24 соатгача бепул сақлашни ташкил этиш ҳамда йўловчиларга камида бир соатлик бепул Wi-Fi тақдим этиш таклиф қилинди. Бундан ташқари, расмий такси буюртма қилиш учун электрон терминаллар ўрнатиш режалаштирилмоқда. Ушбу чора-тадбирлар жамоатчилик муҳокамасига қўйилган қарор лойиҳасида кўзда тутилган.
Ҳужжатга кўра, янги хизматларни 2027 йил 1 июлдан бошлаб босқичма-босқич жорий этиш назарда тутилган. Багажни бепул сақлаш хизматидан чипта эгалари ҳам жўнаб кетишдан олдин, ҳам етиб келгандан кейин фойдаланишлари мумкин бўлади.
Электрон терминаллар йўловчиларга борадиган манзилини кўрсатиш, йўл ҳақини билиш ва расмий таксига буюртма бериш имконини беради. Буюртмани расмийлаштириш учун SIM-карта ёки мобил интернет талаб қилинмайди. Расмийлаштирилгандан сўнг йўловчига QR-кодли че берилади.
Лойиҳада қайд этилишича, йирик транспорт объектларида ҳозиргача барқарор Wi-Fi етишмаяпти. шунингдек, йўловчилар учун багажни бепул сақлашнинг ягона тартиби ва QR-чек бериладиган терминаллар орқали расмий такси буюртма қилиш тизими мавжуд эмас.
Таклиф этилаётган чора-тадбирлар мамлакат аэропортлари ва вокзалларида йўловчиларга хизмат кўрсатиш сифатини оширишга қаратилган.