«Урганч — Хива» йўлида енгил автомобиллар ва мототранспорт учун йўл ҳақи камайтирилди
Ўзбекистон Транспорт вазирлиги «Урганч — Хива» пуллик йўлидан фойдаланишнинг вақтинчалик қоидаларини тасдиқлади. Енгил автомобиллар ва мототранспорт учун тариф аввал таклиф қилинганига нисбатан учдан бирга камайтирилиб, 17,6 минг сўм этиб белгиланди.
«Урганч — Хива» йўлидан енгил машиналар ва мототранспорт воситалари учун ўтиш ҳақи камайтирилди
Транспорт вазирлиги август ойи охирида очилган «Урганч — Хива» (Т-001) пуллик автомобиль йўлидан фойдаланишнинг вақтинчалик қоидаларини тасдиқлади. 2 октябрдан кучга кирган ҳужжатда, жумладан, ушбу йўлдан ўтиш тарифлари ҳам белгиланган.
Улар базавий ҳисоблаш миқдорининг (БҲМ) фоизларида ифодаланган. Енгил автомобиллар ва мототранспорт воситалари учун тарифлар аввал таклиф қилинганидан учдан бир қисмга пастроқ бўлди. Бошқа турдаги транспорт воситалари учун улар ўзгаришсиз қолди.
Амалдаги 440 минг сўмлик БҲМ билан йўл ҳақи қуйидагича:
Вақтинчалик қоидалар Вазирлар Маҳкамаси пуллик автомобиль йўлларидан фойдаланиш тартиби тўғрисида қарор қабул қилгунига қадар амал қилади.
Ҳужжатга кўра, йўл ҳақини электрон шахсий ҳисобварақ орқали, тўлов ундириш пунктида ёки кечиктирилган тўловни қўллаган ҳолда тўлаш мумкин. Тўсиқсиз тизимда автомобиль тўхтамасдан ўтиши мумкин — унинг давлат рақами ва ўтиш вақти автоматик равишда қайд этилади.
Агар ҳайдовчи кечиктирилган тўлов усулини танласа, унга билдиришнома юборилади, шундан сўнг қарздорликни тўлаш учун 5 иш куни берилади. Тўлов амалга оширилмаган тақдирда, оператор судга мурожаат қилишга ҳақли. Бундан ташқари, техник кўрикдан ўтиш, қайта рўйхатдан ўтказиш, бошқа шахсга ўтказиш, Ўзбекистондан олиб чиқиб кетиш ва бошқа юридик ҳаракатларни чеклаш учун маълумотлар бошқа давлат органларига тақдим этилиши мумкин.
Пуллик йўлда оғир ва йирик ҳажмли транспорт воситалари, хавфли юкли транспорт воситалари, қишлоқ хўжалиги техникаси, махсус қурилиш техникаси ва механизмлари, велосипедлар, мопедлар ва двигатель ҳажми 25 куб см гача ёки қуввати 0,25 кВт гача бўлган скутерлар, пиёдалар, шунингдек, шатакка олинган транспорт воситаларининг ҳаракатланиши тақиқланади.