Туркиянинг Анталья шаҳрида смерч ишчилар бўлган контейнерларни вайрон қилди. Видео

Туркиянинг Анталья шаҳрида қуюн ишчилар контейнерларини вайрон қилди. Видео

Туркиянинг Анталья шаҳрида қуюн қурилиш майдончасидаги иккита яшаш контейнерини вайрон қилди, оқибатда тўрт нафар ишчи ҳалок бўлди, яна бир киши жароҳат олди. Фавқулодда ҳодиса Кепез туманида юз берди.

Анадолу хабарига кўра, қуюн метеорология хизматининг кучли ёмғирлар ҳақидаги огоҳлантириши фонида Февзи Чакмак маҳалласида ҳосил бўлган. Оппоқ қуюн беш нафар ишчи бўлган контейнерларга зарар етказиб, уларни четга улоқтириб ташлаган.

Жабрланганлардан икки киши воқеа жойида, яна икки киши шифохонага олиб борилганидан кейин вафот этган. Омон қолган ишчининг аҳволи қониқарли деб баҳоланмоқда. Бошқа маълумотларга кўра, беш нафар ишчи ҳалок бўлган.

Анталья губернатори Ҳулуси Шаҳиннинг сўзларига кўра, ўша қурилиш майдончасида кран ҳам ағдарилган, аммо ҳеч ким жароҳат олмаган. Губернатор ишчиларнинг ўлими ва жароҳат олиши краннинг қулаши билан эмас, айнан контейнерларнинг вайрон бўлиши билан боғлиқлигини таъкидлади.

Воқеа жойида ҳали ҳам фавқулодда хизматлар ишламоқда, улар ҳудудни бошқа жабрланганлар бор-yo'қлигини текширишмоқда.