Маҳаллий
Транспорт вазирлигида вазир ўринбосари лавозими бўшаб қолди
Транспорт вазирлигида вазир ўринбосари лавозими бўшаб қолди.
Илгари Жасурбек Чориев эгаллаб келган транспорт вазири ўринбосари лавозими айни пайтда бўш турибди.
Бундан Транспорт вазирлигининг бугунги кун, 9 сентябрь ҳолатига кўра эълон қилинган расмий бўш иш ўринлари рўйхати далолат бермоқда. Чориевнинг исми Транспорт вазирлиги раҳбарияти таркибида бошқа кўрсатилмаган.
Май ойида Чориев ТРАСЕКА — Европа – Кавказ – Осиё халқаро транспорт йўлаги дастурининг бош котиби этиб сайланган эди. Сайланиш вақтида Транспорт вазирлиги уни расман Ўзбекистон транспорт вазири ўринбосари деб атаган. Қарор 15 май куни Остона шаҳрида ТРАСЕКА Ҳукуматлараро комиссиясининг 18-йиғилишида қабул қилинган.