Трампнинг айтишича, ўғли тўй тантаналарини қисман молиялаштиргани учун Путиннинг иттифоқчисига пулни қайтарган
Келини Беттина Трамп Умар Кремлёв уларнинг Багама оролларидаги хусусий оролда бўлиб ўтган уч кунлик тантаналарининг икки кечасини қисман молиялаштирганини тасдиқлади.
Трамп ўғли тўй тантаналарини қисман молиялаштиргани учун Путиннинг иттифоқчисига пулларни қайтариб берганини айтди
Президент Дональд Трамп ўғли Багама оролларидаги тўйдан кейинги тантаналар харажатларини қоплагани учун Россия президенти Владимир Путинга яқин бўлган россиялик олигархга пулларни қайтариб берганини маълум қилди.
Овал кабинетда Умар Кремлевнинг кичик Дональд Трампнинг тантаналаридаги роли ҳақида сўралганда, Трамп бошқаларнинг тўй маросимларини ўтказиб бериши «мутлақо рухсат этилган» ва «жуда кенг тарқалган» ҳолат эканини айтди.
Кремлев «юз минглаб доллар» тўлагани айтилган суриштирувдан сўнг, эр-хотин у шахсий оролдаги уч кунлик тантаналарнинг икки кунини совға сифатида қисман молиялаштирганини билдиришди.
Трамп Путиннинг иттифоқчисига пуллар қандай қайтариб берилганини билганига изоҳ бермади.
Президентнинг тўнғич ўғли кичик Трамп хусусий шахс ҳисобланади, шу болис унинг чет эл фуқаросидан совғалар олиши қонунга зид эмас.
Шунга қарамай, одоб-ахлоқ қоидаларини назорат қилувчи гуруҳлар президент ўғлининг хорижий давлат раҳбарига алоқадор шахсдан қимматбаҳо совға қабул қилиши, ҳатто кичик Трамп АҚШ ҳукумати ходими бўлмаса ҳам, манфаатлар тўқнашуви кўринишини юзага келтиришини айтишди.
Президент Трампнинг Россия билан алоқалари ҳақидаги саволлар унинг 2016 йилги сайловолди кампаниясидан бери сақланиб қолмоқда ва бу кичик Трампнинг Trump Tower биносида Россия агенти билан ўтказган учрашуви бўйича махсус прокурор суриштирувига сабаб бўлган эди.
Кремлев давлат томонидан қўллаб-қувватланадиган «Газпром» энергетика компанияси томонидан молиялаштириладиган Халқаро бокс ассоциациясига (IBA) раҳбарлик қилади. Ташкилот Россия энергетика гиганти билан алоқалари ҳақида ҳисобот бермагани сабабли Олимпия қўмитаси томонидан фаолияти вақтинчалик тўхтатилган эди.
Кремлев, шунингдек, май ойида Путин билан бирга Хитойга борган делегация таркибида бўлган. Тўй тадбирлари бўйича суриштирувни эълон қилган ProPublica нашрига кўра, у Россия президенти томонидан олий давлат мукофоти — «Дўстлик» ордени билан тақдирланган.
Кичик Трампнинг матбуот котиби ушбу ахборот нашрига президентнинг ўғли ва Кремлев шахсий дўст эканликлари ва улар ўртасида «бизнес муносабатлари» йўқлигини айтди.
Кремлевнинг идораси ProPublica нашрига у ва кичик Трамп бир неча йил олдин учрашишгани ва «дўстона муносабатда» эканликларини маълум қилди.