Трамп Зеленскийдан Россиядаги зарба бериладиган нишонларни ўзгартиришни сўради
Америка президентининг фикрича, ёнилғи таъминотидаги муаммоларга Яқин Шарқдаги вазият эмас, балки Россия-Украина низоси сабаб бўлмоқда.
Трамп Зеленскийдан Россиядаги зарба қилинадиган нишонларни ўзгартиришни сўради
АҚШ президенти Доналд Трамп Украина президенти Володимир Зеленскийни Россиядаги дизел ёнилғиси билан боғлиқ обьектларга ҳужум қилишни тўхтатишга чақирди.
«Жаноб Зеленский бир иш қилиши керак. У Россиядаги дизел ёнилғисига зарба беришни тўхтатиши лозим. У нишонларга зарба бериши мумкин, аммо дизел ёнилғисига эмас, чунки бу дизел тақчиллигига олиб келмоқда», - деди Трамп.
Америка президентининг фикрича, ёнилғи таъминотидаги муаммоларга Яқин Шарқдаги вазият эмас, балки Россия-Украина низоси сабаб бўлмоқда.
«Шунинг учун биз Зеленский билан бу ҳақда гаплашдик. Бошқа нишонлар жуда кўп. Дизел ёнилғисига зарба берманг, чунки бу зарар келтиради, бутун дунёга зарар келтиради. Биз дизел ёнилғисига зарба берилишини истамаймиз», - дея қўшимча қилди Трамп.