Трамп республикачилар сайловда юца, америкаликларга 5000 доллардан беришини айтди

Трамп республикачилар сайловда ғалаба қилса, америкаликларга 5000 доллардан беришини билдирди

АҚШ президенти Доналд Трамп ноябр ойидаги сайловларда республикачилар Конгресс устидан назоратни сақлаб қолса, ҳар бир вояга етган фуқарога 5 минг доллардан беришини айтди.

Агар республикачилар Вакиллар палатаси ва АҚШ Сенатида, яъни иккала палатада ҳам ғалаба қозонса, иқтисодий соҳадаги улкан кучимиз ва муваффақиятимиз туфайли АҚШнинг ҳар бир вояга етган фуқаросига 5 минг доллардан бераман, деди Трамп Далласда бўлиб ўтган Республикачилар партияси қурултойида.

У пулдан фойдаланишнинг ягона шарти уни АҚШ ҳудудида сарфлаш эканини айтди. Президент ваъда қилган тўловлар эҳтимол 1 триллион доллардан ошади ва у қандай молиялаштирилиши номаълум. Тўловларни бир партиянинг ҳар икки палатада ғалаба қозонишига боғлаш ҳам ҳуқуқий саволларни келтириб чиқариши мумкин.

Трампнинг баёнотидан бир соат ўтмай, вице-президент Жей Ди Венс президент таклифини қисман юмшатишга урингандек бўлди. У тўловлар бадавлат америкаликларга берилмаслиги мумкинлигини айтди. Венс тўловларни божхона тарифларидан тушадиган даромад ҳисобидан молиялаштириш мумкинлигини таъкидлади. Бироқ бу маблағ таклиф этилаётган сумма учун етарли эмас.