Трамп Ҳўрмуз бўғози миналардан тўлиқ тозаланганини эълон қилди
АҚШ Ҳўрмуз бўғозидаги миналарни тўлиқ зарарсизлантирганини маълум қилди. Президент Доналд Трамп Эронга янги мина ўрнатувчи ҳар қандай кема ёки қайиқ йўқ қилинишини билдирди.
Трамп Ҳўрмуз бўғозининг миналардан бутунлай тозаланганини эълон қилди
АҚШ президенти Доналд Трампнинг Трутҳ Сосиал ижтимоий тармоғида маълум қилишича, АҚШ Ҳарбий-денгиз кучлари Ҳўрмуз бўғози сувларидаги барча миналарни зарарсизлантирган.
Трамп шундай ёзган: "Эронга ҳар қандай янги мина ўрнатувчи кема ёки қайиқ зудлик билан ва тизимли равишда йўқ қилиниши ҳақида билдириш юборилди... Миналаштиришга нисбатан мутлақо муросасизлик сиёсати тўлиқ кучга кирган."
АҚШ президенти қўшимча қилишича, Америка томони бўғоздаги ҳаракатланишни космик кучлар ёрдамида кузатиб бормоқда. Шунингдек, АҚШ версиясига кўра, Эрон уран қолдиқларини бойитаётган Кирки тоғида ҳам кузатув олиб борилмоқда. Америка кучлари йўқ қилинган учта ядровий обьектни ҳам кузатув остига олган.
Эроннинг Ҳўрмуз бўғозини миналашни бошлагани ҳақидаги маълумот март ойи бошида пайдо бўлган эди. Эрон томони АҚШ ва Исроилнинг ўзига қарши операциясига жавобан денгиз йўлагини тўсиб қўйганди. Тҳе Вашингтон Пост нашри Пентагон Ҳўрмуз бўғозини миналардан тўлиқ тозалаш жараёни олти ой давом этишини башорат қилгани ҳақида ёзган эди.