Трамп фармонидан сўнг Гоогле Мапс Онтарио кўли номини Америкага алмаштирди

Трамп фармонидан кейин Гоогле Мапс Онтарио кўли номини Америкага ўзгартирди.

Гоогле Мапс АҚШ президенти Доналд Трампнинг фармонидан сўнг америкалик фойдаланувчилар учун Онтарио кўли номини "Америка кўли" (Лаке Америса) деб ўзгартирди. Компания бу ҳақда ўз блогида маълум қилди.

Компания хабарига кўра, АҚШ Географик номлари ахборот тизимида (ГНИС) кўл номи расман ўзгартирилганидан сўнг Гоогле Мапсъда ҳам тегишли янгиланиш киритилган.

Энди АҚШдаги фойдаланувчилар харитада "Лаке Америса" номини кўради, Канададагилар эса "Лаке Онтарио" номини кўришда давом этади. АҚШ ва Канададан ташқари давлатларда кўлнинг ҳар икки номи кўрсатилади. Гоогле бу ёндашув турли мамлакатларда турлича номланадиган сув обьектларига нисбатан компаниянинг кўп йиллик сиёсатига мос эканини билдирди.

Доналд Трамп 27-август куни Онтарио кўлини Америка кўли деб қайта номлаш тўғрисидаги фармонни имзолаган эди. Ҳужжат билан янги номни АҚШнинг расмий географик маълумотлар базасига киритиш белгиланган.

Бу қарор Канадада норозилик билан кутиб олинди. Канада бош вазири Марк Карни Онтарио номи 400 йилдан ортиқ вақтдан бери мавжудлигини таъкидлаб, мамлакатда кўл аввалги ном билан аталишда давом этишини айтди. Онтарио провинсияси премери Даг Форд эса кўлнинг Канада соҳилига “Онтарио кўли. Ҳозир ва ҳамиша” деган ёзувли билборд ўрнатди.

Трамп Онтарио кўлини қайта номлаш ҳақидаги фармонни АҚШ ва Канада ўртасидаги савдо зиддиятлари кучайган бир пайтда имзолади. У бундан олдин ҳам кўл номини ўзгартириш режасини эълон қилиб, буни Вашингтоннинг Оттава билан савдо муносабатларига боғлаган эди.

Бу Трамп ташаббуси ортидан Гоогле Мапсъда географик обьект номи ўзгартирилиши билан боғлиқ биринчи ҳолат эмас. 2025-йил январда АҚШ президенти Мексика кўрфазини Америка кўрфази деб, Аляскадаги Денали чўққисини эса Мак Кинли деб қайта номлашни буюрганди. Шундан сўнг Гоогле ҳам америкалик фойдаланувчилар учун Мексика кўрфазининг янги номини хариталарда акс эттирган.