Тошкентнинг «Яшил шаҳар» йўлагида автобуслар тезлиги 45 фоизга ошди
Тошкентнинг «Яшил шаҳар» йўлагида автобуслар тезлиги 45 фоизга ошди
2025 йилда ишга туширилганидан буён Тошкентнинг Шота Руставели кўчасидаги «Яшил шаҳар» транспорт йўлаги транспорт самарадорлиги, ҳаво сифати ва аҳоли мамнунияти борасида ижобий натижаларни кўрсатди, деб хабар бермоқда Транспорт вазирлиги Нукус ва Урганчдаги семинарларда тақдим этилган мониторинг натижаларига таяниб.
Ушбу хулосалар Ўзбекистон Транспорт вазирлиги томонидан Бирлашган Миллатлар Ташкилоти Тараққиёт Дастури (БМТТД) билан ҳамкорликда амалга оширилаётган ва Глобал экологик жамғарма (ГЕЖ) томонидан молиялаштирилаётган «Тошкент – паст углеродли транспортга инвестицияларни жадаллаштириш» грант лойиҳаси доирасида тақдим этилди.
Тадқиқотда 2025 йилда Шота Руставели кўчасида жорий этилган BRT (тезкор автобус транспорти) йўлагининг иқтисодий, экологик ва ижтимоий таъсири ўрганилди. Лойиҳа кўча инфратузилмасини модернизация қилиш, махсус автобус йўлаги ва велосипед йўлакларини ташкил этиш ҳамда қўшимча кўкаламзорлаштирилган ҳудудларни яратишни ўз ичига олган.
Жамоат транспортининг кунлик йўловчи оқими ҳам 8 052 кишига ёки 9 фоизга ошди.
Ҳаво ифлосланишини мониторинг қилувчи сенсорлар маълумотлари йўлак бўйлаб ҳаво сифати яхшиланганини кўрсатди. Тақдим этилган натижаларга кўра, азот диоксиди (NO₂) концентрацияси 102 фоизга, ис гази (CO) эса 33 фоизга камайган.
Лойиҳанинг ижтимоий таъсири йўлакдан фойдаланувчи 610 нафар аҳоли ва йўловчилар ўртасида ўтказилган сўровнома орқали баҳоланди.
Қайта тиклаш ишлари ва транспорт йўлагидан мамнуният даражаси 90 фоизга етди. Ушбу натижалар Тошкент шаҳрида паст углеродли транспортни ривожлантириш билан боғлиқ экологик, иқтисодий ва ижтимоий кўрсаткичларнинг кенг кўламли мониторинги доирасида тақдим этилмоқда.