Тошкентнинг тўртта туманида газ таъминоти вақтинча ўчирилади

Тошкентнинг тўртта туманида газ вақтинча ўчирилади

Бугун, 14 октябрь куни Тошкентнинг тўртта туманида режали таъмирлаш ишлари сабабли истеъмолчиларнинг бир қисмига газ етказиб бериш вақтинча тўхтатилади. Бу ҳақда Hududgaz Poytaxt матбуот хизмати хабар берди.

Газ узилиши соат 10:00 дан 18:00 гача давом этади ва қуйидаги ҳудудларга таъсир қилади.

**Шайхонтоҳур тумани:**

- «Лабзак» маҳалласи — 240 хонадонли тўртта кўп қаватли уй ва 1 155 та ҳовли уй.

- «Тахтапул» маҳалласи — 132 хонадонли иккита кўп қаватли уй ва 1 101 та ҳовли уй.

- «Шайхонтоҳур» маҳалласи — 2 071 та хонадон.

- «Ҳадра» маҳалласи — 2 069 та хонадон.

- «Ўрда» маҳалласи — 882 хонадонли 12 та кўп қаватли уй.

Бундан ташқари, 273 та улгуржи истеъмолчи газсиз қолади.

**Чилонзор тумани:**

- «Бешағач» маҳалласи — 144 хонадонли учта кўп қаватли уй.

- Тўртта улгуржи истеъмолчи.

**Яккасарой тумани:**

- «Юнус Ражабий» маҳалласи — 40 та ҳовли уй.

- Бешта улгуржи истеъмолчи.

**Юнусобод тумани:**

- «Минор» маҳалласи — 6-кварталдаги 1 700 хонадонли 32 та кўп қаватли уй, шунингдек, Бинафша, Элобод, Хуршид, Минор берк ва Далазар кўчаларидаги 120 та ҳовли уй.

- «Туркистон» маҳалласи — Мойқўрғон кўчасидаги 60 та ҳовли уй.

- «Минор Жоме» масжиди, Афғонистон элчихонаси ва 15 та улгуржи истеъмолчи.

Газ таъминоти таъмирлаш ишлари давомида тўхтатилади. Истеъмолчиларга маиший ва ишлаб чиқариш ишларини режалаштиришда ушбу вақтинчалик чекловларни ҳисобга олиш тавсия этилади.