Тошкент туманларидан бирининг аҳолиси вақтинча газсиз қолади

Тошкентнинг туманларидан бирининг аҳолиси вақтинча газсиз қолади

Тошкентнинг Сирғали туманида 14 сентябрь куни бир нечта турар жой мавзеларида табиий газ таъминоти вақтинча тўхтатилади. Чекловлар таъмирлаш ишлари сабабли жорий этилади.

«Ҳудудгаз Пойтахт» хабарига кўра, газ соат 10:00 дан 17:00 гача ўчирилади. Қўйлиқ-5 мавзесининг «Халқобод» маҳалласида 23 та кўп қаватли уй (746 та хонадон) газсиз қолади. Қўйлиқ-5 мавзесининг «Маданият» маҳалласида — 18 та уй (518 та хонадон). Қўйлиқ-6 мавзесининг «Бирдамлик» маҳалласида — 14 та уй (436 та хонадон). Қўйлиқ-7 мавзесининг «Шукрона» маҳалласида — 11 та уй (424 та хонадон).

Бундан ташқари, ўчириш 22 та улгуржи истеъмолчига ҳам тегишли бўлади. Газ таъминоти ишлар якунлангач тикланади.

Аввалроқ Тошкентда пойтахтни куз-қиш мавсумига тайёрлаш ҳамда коммунал ва энергетика инфратузилмасининг барқарор ишлашини таъминлаш бўйича амалга оширилган ишлар якунлари сарҳисоб қилинган эди.