Тошкентдаги мактаблардан бирида бир ярим минг ўринли янги олти қаватли корпус қурилади

Тошкентдаги мактаблардан бирида 1,5 минг ўринли янги олти қаватли корпус қурилади

Тошкент шаҳрининг Учтепа туманидаги 38-сонли умумтаълим мактабида таълим олиш учун янада қулай шароитлар яратиш мақсадида реконструкция ва қўшимча ўқув корпусини қуриш ишлари бошланди.

Ҳозирда мактабда 2339 нафар ўқувчи таҳсил олмоқда, шу сабабли мавжуд қувватларга тушаётган юклама юқорилигича қолмоқда, юклама коэффициенти эса 1,9 ни ташкил этмоқда.

Янги бинонинг қурилиши таълим муассасасидаги юкламани сезиларли даражада камайтириш имконини беради. Қўшимча корпус 1505 ўқувчи ўрнига мўлжалланган бўлиб, 6 қаватни, шу жумладан ёрдамчи (цокольный) қаватни ўз ичига олади.

Лойиҳанинг умумий майдони 0,4 гектарни ташкил этади, ишларни эса 8 ой ичида якунлаш режалаштирилган. Янги корпус фойдаланишга топширилгач, мактабдаги юклама коэффициенти 1,9 дан 0,9 гача пасайиши кутилмоқда.