Тошкентда яшил майдонлар текширилмоқда ва соғломлаштирилмоқда
Тошкентда яшил майдонларни текшириш ва соғломлаштириш ишлари фаоллашди. Мутахассислар касал ва қуриган дарахтларни, шунингдек, қуриган, синган ва осилиб турган шохларни, шикастланган дарахт шох-шаббаларини аниқламоқда. Бу ҳақда пойтахт ҳокимлигида маълум қилинди.
Тошкентда яшил ҳудудлар ўрганилмоқда ва соғломлаштирилмоқда
Ишларга экологлар, дендрологлар ва бошқа соҳа мутахассислари жалб этилган. Тадқиқот якунларига кўра зарур чора-тадбирлар белгиланмоқда. Қуриган ва шикастланган шохлар буталмоқда, қуриб қолган дарахтлар бўйича эса далолатномалар тузилиб, рухсатнома олиш учун шаҳар экология бошқармасига юборилмоқда.
Ишлар аҳоли хавфсизлиги ва соғлом дарахтларни сақлаб қолиш заруратини ҳисобга олган ҳолда, босқичма-босқич ва белгиланган тартибда олиб борилмоқда.
Ҳозирда Чилонзор туманидаги Бунёдкор шоҳ кўчаси, Якасарой туманидаги Нукус кўчаси, Кичик ҳалқа автомобиль йўли, Юнусобод туманидаги Аҳмад Дониш кўчаси, шунингдек, шаҳарнинг бошқа йирик ва кичик магистралларида ишлар давом этмоқда.
Бундан ташқари, Яшнабод туманидаги «Элбек» боғида дарахтлар ўрганилмоқда. Боғнинг майдони 11 гектарни ташкил этади, бу ерда 5 мингга яқин дарахт ва бaтaнглар ўсмоқда. Параллель равишда ҳудуд чиқиндилардан тозаланмоқда, йўлаклар тартибга келтирилмоқда, суғориш тизими таъмирланмоқда ва янги тармоқлар ётқизилмоқда.
Бир вақтнинг ўзида шаҳарда суғориш тизимлари янгиланмоқда ва алмаштирилмоқда, насос станциялари таъмирланмоқда, янги суғориш тармоқлари ётқизилмоқда, ариқ ва дренаж тизимлари тартибга келтирилмоқда. шунингдек, дарахт экиш мавсуми бошланмоқда.