Тошкентда профилактика инспекторлари каналга ўзини ташлаган қизни қутқариб қолди
Тошкентда профилактика инспекторлари Бўзсув каналига ўзини ташлаган қизни қутқариб қолди. Фуқаро “102ъга хабар бергач, Яккасарой тумани ИИББ ходимлари етиб бориб, сувдаги қизни чиқариб олган. Унга шифохонада ёрдам кўрсатилган ва ота-онасига топширилган.
Тошкентда профилактика инспекторлари каналга ўзини ташлаган қизни қутқариб қолди
Тошкент шаҳридаги Бўзсув каналида ўзини сувга ташлаган қиз профилактика инспекторлари ва фуқаро томонидан қутқариб қолинди, дея хабар бермоқда пойтахт ИИББ.
Воқеа Бўзсув каналининг аҳоли сайр қилиши учун мўлжалланмаган ёпиқ қисмида юз берган. Ҳудудда бўлган фуқаро қизнинг ўзини сувга ташлаганини кўриб, “102” хизматига мурожаат қилган.
Хабар келиб тушгач, Якксарой тумани Тепа маҳалласи инспекторлари воқеа жойига етиб борган. Қидирув давомида қиз кучли оқим ва айланма ҳаракат сабаб каналнинг чекка қисмига оқиб кетгани аниқланган.
Ходим Ортиқ Омонов зудлик билан сувга тушиб, қизни олиб чиққан, иккинчи ходим Қудрат Расулов эса уни юқорига тортиб олишга кўмаклашган. Сувдан чиқариб олинган қизга биринчи ёрдам кўрсатилгач, у яқин атрофдаги 5-сонли шаҳар шифохонасига олиб борилган.
Тиббий ёрдам кўрсатилганидан кейин қизнинг шахси аниқланиб, Тошкент вилояти Янгийўл туманида яшовчи ота-онасига боғланилган. Қиз соғ-саломат ота-онасига топширилган, ҳозирда унинг аҳволи барқарор экани айтилмоқда.