Маҳаллий
Тошкентда Onix ҳайдовчиси тартибга солинмаган ўтиш жойида пиёдани уриб юборди
Тошкентда Onix ҳайдовчиси тартибга солинмаган ўтиш жойида пиёдани уриб юборди
Куни кеча ижтимоий тармоқларда Тошкентнинг Учтепа туманида содир бўлган ва оқибатда пиёда жароҳат олган ЙТҲ видеоси тарқалди. Уни тартибга солинмаган пиёдалар ўтиш жойида Onix автомобили уриб юборган. Жабрланувчи шифохонага етказилган.
Пойтахт йўл ҳаракати хавфсизлиги бошқармаси маълумотларига кўра, ЙТҲ 22 октябрь куни соат 15:00 атрофида содир бўлган. Onix автомобили рулида 20 ёшли ҳайдовчи бўлган.
Пиёдага биринчи тиббий ёрдам кўрсатилиб, шифохонага етказилган. Ҳозирда ЙҲХБ ходимлари содир бўлган воқеа юзасидан текширув ўтказмоқда.
Аввалроқ Тошкент вилоятида автомобиль «зебра»дан ўтаётган аёл ва унинг фарзандини уриб юборган эди.