Тошкентда молиявий хизматлар ҳажми 75 трлн сўмдан ошди
7 ой мобайнида Ўзбекистонда молиявий хизматлар 24,5 фоизга ўсди. Ҳудудлар ўртасида хизматлар ҳажми кескин фарқ
Тошкентда молиявий хизматлар ҳажми 75 трлн сўмдан ошди
Миллий статистика қўмитаси маълумотларига кўра, 2026-йилнинг январ–июл ойларида Ўзбекистонда 125,8 трлн сўмлик молиявий хизматлар кўрсатилган.
Бу кўрсаткич 2025-йилнинг шу даврига нисбатан 24,5 фоизга юқори. Молиявий хизматларнинг энг катта улуши Тошкент шаҳри ҳиссасига тўғри келган. Пойтахтда бу рақам 75,1 трлн сўмни ташкил этган. Бу рўйхатдаги вилоятлар орасидаги энг юқори натижадан бир неча баробар кўп.
Фарғона вилоятида 6 трлн сўмлик молиявий хизматлар кўрсатилган. Тошкент вилоятида 5,7 трлн сўм, Андижонда 5,6 трлн сўм қайд этилган.
Самарқандда хизматлар ҳажми 4,8 трлн сўм, Қашқадарёда 4,1 трлн сўмни ташкил қилган. Хоразмда 3,5 трлн сўмлик хизмат кўрсатилган бўлса, Сурхондарёда ҳам бу кўрсаткич 3,5 трлн сўм бўлган.
Бухоро вилоятида 3,4 трлн сўм, Наманганда 3,3 трлн сўмлик молиявий хизматлар кўрсатилган. Жиззахда 3 трлн сўм, Қорақалпоғистон Республикасида 2,9 трлн сўм қайд этилган.
Навоий вилоятида молиявий хизматлар ҳажми 2,8 трлн сўмга етган. Сирдарёда эса 2 трлн сўмлик хизмат кўрсатилган.