Тошкентда — Ғалаба боғи яқинида яна бир сунъий кўл барпо этилмоқда
Пойтахтнинг барча туманларида 12 та сув ҳавзасини ташкил этиш лойиҳаси доирасида Тошкентда навбатдаги сунъий кўл барпо этилмоқда. У Келес йўли кўчасида, Ғалаба боғи яқинида жойлашади.
Тошкентда яна бир сунъий кўл барпо этилмоқда — Ғалаба боғи яқинида
Тошкентнинг Олмазор туманидаги Келес йўли кўчасида сунъий кўлга эга янги ҳордиқ чиқариш ҳудудини ободонлаштириш режалаштирилмоқда, хабар берди туман ҳокимлиги. Объект Ғалаба боғи яқинидаги хиёбон ўрнида пайдо бўлади.
Кўлнинг майдони 0,50 гектарни, чуқурлиги — 2 метрни, ҳажми — 10 минг кубометрни ташкил этади. Сув ҳавзаси атрофида пиёдалар йўлаклари ва алоҳида велосипед йўлаги ётқизилади. Уларнинг умумий узунлиги 2 км га етади.
Туман ҳокимлигида таъкидланишича, қурилиш ва ободонлаштириш ишлари давомида барча кўп йиллик дарахтлар сақлаб қолинади. Бундан ташқари, 200 та янги дарахт экилади.
Кичик дарахтларнинг бир қисмини, мутахассислар назорати остида ваъда қилинганидек, «бошқа мос участкаларга эҳтиёткорлик билан кўчириб ўтказиш» режалаштирилган.
Ушбу лойиҳа шанглиликни камайтириш, ҳавони намлантириш ва тегишли ҳудудларда янада қулай микроиқлимни шакллантириш мақсадида пойтахтнинг барча туманларида 12 та сунъий сув ҳавзасини ташкил этиш ташаббусига киради.
Аввалроқ Сергели туманидаги «Қумариқ» маҳалласида (ҳозирги аэропорт яқинида) майдони 1,7 гектар бўлган ҳамда Учтепа туманида майдони 0,9 гектар бўлган кўл ташкил этилиши ҳақида хабар берилган эди.
Янги сув ҳавзалари Ботаника боғи ҳудудида ҳамда собиқ Ипакчилик илмий-тадқиқот институти ўрнидаги янги боғда ҳам барпо этилмоқда.