Тошкентда бизнес-кайфият II чоракда кўтарилди
Марказий банк сўрови шуни кўрсатдики, Тошкент шаҳри ва вилояти тадбиркорларининг 53 фоизи 2026 йилнинг II чорагида ишбилармонлик муҳити яхшиланганини қайд этган.
Тошкентда бизнес-кайфият II чоракда кўтарилди
Тошкент шаҳри ва Тошкент вилоятида бизнес юритиш учун шароитлар яхшиланганини қайд этган тадбиркорлар улуши 2026 йилнинг иккинчи чорагида 53% га етди — бу ўтган йилнинг шу давридаги кўрсаткичдан (50%) 3 фоиз пунктга кўпдир. Бу ҳақда ишбилармонлик фаоллиги сўровномаси якунларига таяниб Ўзбекистон Республикаси Марказий банки хабар бермоқда.
Сўровнома маълумотларига кўра, буюртмалар ҳажми ошганини қайд этган респондентлар улуши 2025 йилнинг иккинчи чорагидаги 47% га нисбатан 51% ни ташкил этди. Сўровнома иштирокчиларининг 50% и ишлаб чиқариш ҳажми ошганини маълум қилди — бир йил аввал ушбу кўрсаткич 43% даражасида эди.
Қўшимча ишчи кучига бўлган талабни тадбиркорларнинг 43% и (бир йил аввал 41%), юк ташиш ҳажми ошганини эса худди шундай 43% и (2025 йилда 42%) қайд этди. Кредит ва қарзлар бўйича тўловлар кўпайганини респондентларнинг 37% и маълум қилди, ўтган йилнинг мос даврида бу кўрсаткич 36% бўлган.
Корхоналарда ишлаб чиқариш қувватларидан фойдаланиш даражаси ўтган йилнинг шу даврига нисбатан 18 фоиз пунктга ошди.
Кейинги чорак учун баҳолашлар ҳам яхшиланди. Тадбиркорларнинг 51% и буюртмалар ҳажми ошишини кутмоқда (2025 йилда 50%), ишлаб чиқариш ҳажми ошишини — 46% (45% га нисбатан), ишчи кучига бўлган талабнинг ўсишини эса — 45% (бир йил аввал 44%) кутмоқда.
Сўровномага кўра, буюртмалар ҳажмининг ўсиши асосан қайта ишлаш саноати, қишлоқ хўжалиги ва қурилиш соҳаларида кутилмоқда.
Яқин уч йил ичида иқтисодиёт ва ишбилармонлик муҳити яхшиланишига ишонч билдирган тадбиркорлар улуши 82% ни ташкил этди — бу 2025 йилнинг иккинчи чорагидаги кўрсаткичдан (57%) 25 фоиз пунктга юқоридир.