Тошкентда бир ой ичида 21 мингдан ортиқ чиптасиз йўловчи ушланди. Видео

Тошкентда бир ойда 21 мингдан ортиқ чиптасиз йўловчи аниқланди. Видео

Тошкентда автобусларда йўл ҳақини тўлашни назорат қилиш кучайтирилди. Октябрь ойининг дастлабки 26 кунида йўл ҳақини тўламаган йўловчиларга нисбатан 21 мингдан ортиқ маъмурий баённома тузилди — бу бутун сентябрь ойидагига қараганда 830 тага кўп.

Бу ҳақда "Тошшаҳартрансхизмат" матбуот хизмати хабар беради.

Қоидабузарлар сони кетма-кет учинчи ой ўсмоқда. Август ойида 10,8 мингта баённома тузилган бўлса, сентябрда — деярли 20,3 мингта, яъни бир ойда кўрсаткич 87,1% га ошган.

Кунлик баённомаларнинг ўртача сони ҳам ортиб бормоқда. Августда суткасига қарийб 350 та тузилган бўлса, сентябрда — 676 та, октябрда эса — аллақачон 812 тани ташкил этди.

Йил бошидан 26 октябргача бўлган даврда йўл ҳақини тўламаган жами 134,3 минг йўловчи маъмурий жавобгарликка тортилди.

Компаниядагиларнинг тушунтиришича: бу ўсиш нафақат қоидабузарлар сонининг ортгани, балки текширувлар қамрови кенгайгани ва инспекторларнинг янада самарали ишлаётгани билан боғлиқ.

Эслатиб ўтамиз, инспекторлар текширувлар вақтида валидаторлар ишини чеклаб қўйишлари мумкин, шунинг учун йўл ҳақини автобусга киргандан сўнг дарҳол тўлаш керак.