Тошкентда 70 дан ортиқ объектда 173 та кўп қаватли уй ноқонуний қурилган
Тошкент шаҳрида ўтказилган сўнгги инвентаризация натижасида 70 дан ортиқ объектда 173 та кўп қаватли уйда қурилиш билан боғлиқ қонунбузилишлар аниқланган. Бу ҳақда пойтахт ҳокимлиги қурилиш масалалари бўйича котибият мудири Жасур Каримов Kun.uzъга маълум қилди.
Тошкентда 70 дан зиёд объектда 173 та кўп қаватли уй ноқонуний равишда қурилган.
Бироқ, барча қайд этилган ҳолатларни тўлиқ ноқонуний қурилиш деб баҳолаб бўлмайди. Айрим объектларда қурувчилар рухсат этилган қаватлар сонидан ортиқча қават қурган ёки тасдиқланган лойиҳадан четга чиққан.
Жасур Каримовнинг сўзларига кўра, агар ҳар бир ташкилот ўз вазифасидан келиб чиқиб ўз вақтида муносабат билдирса, ноқонуний қурилмалар сони камаяди. Тошкент шаҳрида ўтказилган сўнгги инвентаризация натижаларига кўра, 70 дан ортиқ объектда 173 тадан кўп қаватли уй ноқонуний қурилгани аниқланган. Аммо бу 100 фоиз ноқонуний дегани эмас. Мисол учун, 9 қаватга рухсат олиб, барча лойиҳа ҳужжатлари мавжуд бўлса-да, 10 қават қилиб қурилган ҳолатлар бор. Ёки иккита 9 қаватга рухсат олиб, ўз ҳудудида қўшимча беш қават қурган ҳолатлар ҳам мавжуд.
Ушбу ҳолатлар бўйича ҳокимият тегишли идоралар билан биргаликда инвентаризация ўтказиб, Вазирлар Маҳкамасига таклиф киритган. Бу таклифда объектларни шу ҳолатга келишига йўл қўйган рухсат берувчи ташкилотлар ёки назорат органларига нисбатан кўриладиган чоралар, шунингдек, объект эгаларига нисбатан кўрилган чоралар ҳам бор. Муаммонинг ечими юзасидан таклифлар киритилган. Ҳозирда ушбу объектлар бўйича ҳужжатларнинг расмийлаштирилиши кутилмоқда. Жумладан, Невпорт мажмуасида қурилган жами 9 та уйдан 3 тасига рухсат мавжуд бўлиб, 6 та блок ноқонуний қурилган. Бу ҳолат ҳам хатлов жараёнида аниқланиб, рўйхатга киритилган.