Тошкент вилоятида марихуана, милтиқ ва патронлар яширилган жой аниқланди. Видео
Тошкент вилоятида марихуана, милтиқ ва патронлар яширилган жой топилди. Видео
Тошкент вилоятининг Қибрай туманида ижарага олинган қишлоқ хўжалиги ер майдонида иккита контейнер аниқланди, уларнинг ичида 7 килограмм марихуана, пневматик милтиқ ва учта патрон бор эди.
Қибрай туманидаги қўшма рейд Давлат хавфсизлик хизмати ва Тошкент шаҳар Ички ишлар бош бошқармаси ходимлари томонидан ўтказилди.
Ҳуқуқ-тартибот идоралари ходимларининг эътиборига муқаддам судланган 40 ёшли маҳаллий фуқаро тушди. У узоқ муддатга ижарага олган ер майдонидаги иккита контейнер текширилди.
Ичкаридан 7 килограмм қуритилган марихуана, ИЖ-38 русумли пневматик милтиқ ва 12 миллиметрли учта патрон топилди. Ҳаммаси ашёвий далил сифатида олинди.
Ҳозирда терговга қадар текширув ўтказилмоқда.
Аввалроқ ҳуқуқ-тартибот идоралари ходимлари шахсий хонадон эгасидан икки метрли каннабис бутаси, шунингдек, марихуана ўралган тугун аниқлаган эди.