Тошкент аҳолисини ИИВ иловасини «мажбурий» ўрнатиш хавотирга солди. Расмийлар нима дейди
Тошкент аҳолисини ИИВ иловасини «мажбурий» ўрнатиш хавотирга солди. Расмийлар нима деди
Тошкент шаҳри Миробод туманидаги маҳаллалардан бирининг аҳолиси профилактика инспекторлари иштирокида ҳовлида ўтказилиши режалаштирилган йиғилиш ҳақидаги маълумотдан хавотирга тушди. Муҳокамаларга ҳуқуқ-тартибот идоралари ходимлари фуқароларнинг мобил қурилмаларига махсус иловани ўрнатиш учун учрашув ўтказиш ниятида экани ҳақидаги хабар сабаб бўлди. Гап Ўзбекистон ИИВ томонидан аҳолини зарарли дастурий таъминотдан фойдаланган ҳолда содир этиладиган киберфирибгарликдан ҳимоя қилиш учун ишлаб чиқилган APK Qo‘riqchi сервиси ҳақида бормоқда.
Иштирок этиш ва дастурни юклаб олиш зарурлиги ҳақидаги ифода аҳолида шахсий ҳаёт дахлсизлиги ва шахсий маълумотлар хавфсизлиги ҳуқуқига риоя этилиши билан боғлиқ саволларни туғдирди.
Туман ҳокимлиги ушбу иловани ўрнатиш мутлақо ихтиёрий эканини, тадбирларнинг ўзи эса фақат ахборот-тушунтириш хусусиятига эга эканини тушунтирди.
«Ҳозирги вақтда республикада аҳолининг рақамли саводхонлигини ошириш ва киберфирибгарлик ҳолатларининг олдини олишга қаратилган кенг қамровли профилактика ва тушунтириш ишлари олиб борилмоқда. Ушбу ишлар доирасида аҳолига Telegram ва бошқа мессенжерлар орқали тарқатилиши мумкин бўлган APK-файлларнинг хавфлилиги тушунтирилмоқда. Бундай файлларда зарарли дастурлар бўлиши ва ўрнатилгандан сўнг фирибгарларга мобил қурилмадаги турли маълумотларга кириш имконини бериши мумкин», — дея маълум қилди ҳокимлик ва иловани ўрнатиш тўғрисидаги қарорни ҳар бир фуқаро мустақил равишда қабул қилишини таъкидлади.
Аввалроқ Telegram мессенжери фойдаланувчилари сохта суд чақирув қоғозлари билан боғлиқ киберфирибгарликнинг янги тўлқини ҳақида огоҳлантирилган эди.