Тошкент аэропорти Марказий Осиёда биринчи бўлиб углерод аккредитациясининг иккинчи даражасини олди
Тошкент халқаро аэропорти Аэропортларни карбонат ангидриддан зарарсизлантириш дастурининг (Airport Carbon Accreditation — ACA) иккинчи даражасини олди. У ушбу тизим бўйича Level 2 даражасига эришган Марказий Осиёдаги биринчи аэропорт бўлди. ACA сертификатлари ИКАО ва ACI EUROPE қўшма семинарида Uzbekistan Airports компаниясига топширилди. Экологик масалаларга бағишланган тадбир Тошкентда 7-9 октябрь кунлари Ўзбекистон Транспорт вазирлиги кўмагида бўлиб ўтмоқда. Жами аккредитация […]
Тошкент аэропорти Марказий Осиёда биринчи бўлиб углерод аккредитациясининг иккинчи даражасини олди
Тошкент халқаро аэропорти Airport Carbon Accreditation (ACA) дастурининг иккинчи даражасини олди. Шу тариқа, у Марказий Осиёда ушбу тизим доирасида Level 2 даражасига эришган илк аэропорт бўлди.
ACA сертификатлари ИКАО ва ACI EUROPE қўшма семинарида Uzbekistan Airports компаниясига топширилди. Экология мавзусига бағишланган тадбир Ўзбекистон Транспорт вазирлиги кўмагида 7—9 октябрь кунлари Тошкентда бўлиб ўтмоқда.
Умумий ҳисобда Uzbekistan Airports таркибидаги тўққизта аэропорт аккредитациядан ўтди. Самарқанд, Урганч, Наманган, Фарғона, Нукус, Термиз, Қарши ва Навоий аэропортлари Level 1 даражасини олди. Ушбу даража операцион углерод чиқиндиларининг ўлчаниши ва мустақил равишда текширилишини тасдиқлайди.
Тошкент аэропорти углерод изини камайтириш чора-тадбирларини жорий этиш орқали Level 2 даражасига эришди. Семинарнинг кейинги босқичи чиқиндиларни камайтириш, барқарор авиация ёқилғиси ва энергия самарадорлигига бағишланади.
Бундан ташқари, иштирокчилар экологик лойиҳаларни молиялаштириш ва аэропортларни иқлим ўзгаришига мослаштиришни муҳокама қиладилар. Uzbekistan Airports SAF (барқарор авиация ёқилғиси)ни жорий этиш ва инфратузилмани барқарор ривожлантириш бўйича ўз ташаббусларини тақдим этади.