Тиме журнали СИ соҳасидаги энг нуфузли 100 киши рўйхатини тузди

Тиме журнали сунъий интеллект (СИ) соҳасидаги энг таъсирчан 100 шахс рўйхатини эълон қилди.

Нашрнинг таъкидлашича, 2026-йилги рўйхат "бу соҳанинг жадал ривожланаётган ҳолатини акс эттиради". Унда СИ бўйича йирик компаниялар асосчилари ва тадқиқотчилари билан бир қаторда, ушбу технологиянинг турли жиҳатларини фаол танқид қилувчилар ҳам жой олган. Тиме журнали 2023-йилдан буён сунъий интеллект соҳасидаги энг нуфузли шахслар рўйхатини тузиб келади.

Тиме рўйхатдаги барча иштирокчиларни тўртта асосий тоифага ажратди:

1. **"Етакчилар"** тоифасига ОпенАИ ҳаммуассиси Сем Алтман, СпасеХ бош директори Илон Маск, Антҳропис асосчилари Дарио ва Даниела Амодеи, шунингдек, Амазон асосчиси Жефф Безос киритилди.

2. **"Инноваторлар"** тоифасида америкалик актёр, режиссёр ва кинода сунъий интеллектни қўллашга мўлжалланган ИнтерПоситиве стартапининг яратувчиси Бен Аффлек ҳамда Хитойнинг Мооншот АИ компанияси асосчиси Ян Чжилин жой олди.

3. **"СИ соҳасини шакллантирувчилар"** (шаперс) тоифасидан актриса Перис Ҳилтон (дипфейкларга қарши курашгани учун), америкалик сиёсатчи Берни Сандерс (сунъий интеллектнинг меҳнат бозорига ва умуман жамиятга салбий таъсирини танқид қилгани учун), инвестор ва АҚШ президентининг фан ва технологиялар бўйича маслаҳатчилар кенгаши ҳамраиси Девид Сакс ўрин олди.

4. **"Мутафаккирлар"** тоифасига, жумладан, ОпенАИ ҳаммуассиси ва хавфсиз суперинтеллектни ривожлантиришга қаратилган Сафе Суперинтеллигенсе стартапи яратувчиси Иля Суцкевер, сунъий интеллектни ишлаб чиқиш ва унинг инсон билан ҳамкорлигига йўналтирилган Тҳинкинг Мачинес стартапи асосчиси Мира Мурати ҳамда Нвидиа корпорациясининг барқарорлик бўйича директори Жош Паркер киритилди.