“Стихия” АҚШдаги Бурнинг Ман фестивалида Мўйноқ ва Орол денгизига бағишланган инсталляция тақдим этди
Ўзбекистоннинг ъСтихияъ фестивали АҚШдаги дунёга машҳур Бурнинг Ман фестивалида Тҳе Ласт Шоре (ъСўнгги қирғоқъ) инсталляциясини тақдим этди. Мўйноқ ва Орол денгизи фожиасига бағишланган бу иш арт-дастур саралашидан ўтди, тадбир якунлангач Лос Анжелесдаги боғлардан бирига ўрнатилди.
“Стихия” АҚШдаги Бурнинг Ман фестивалида Мўйноқ ва Орол денгизига бағишланган инсталляцияни намойиш этди
“Стихия” электрон мусиқа, фан ва санъат фестивали АҚШнинг Невада штатидаги Блек Рок чўлида ўтказиладиган дунёга машҳур Бурнинг Ман фестивалида Тҳе Ласт Шоре (“Сўнгги қирғоқ”) инсталляциясини тақдим қилди.
Жорий йилги фестивал 31-августдан 7-сентабргача давом этди ва дастлабки маълумотларга кўра, турли мамлакатлардан қарийб 80 минг иштирокчини бир жойга жамлади.
Санъат дастурида Марказий Осиё номидан сараловдан ўтган Ўзбекистон ва Қозоғистон лойиҳалари қатнашди.
Тҳе Ласт Шоре инсталляцияси “Стихия” фестивали томонидан мустақил арт-лойиҳа сифатида яратилди ва молиялаштирилди. “Стихия” асосчиси Отабек Сулаймонов Бурнинг Ман фестивалида иштирок этиб, жамоа билан бирга уни фестивал давомида қуриладиган Блек Рок (Бласк Роск Ситй) шаҳарчасига ўрнатди.
Арт-обьект Орол денгизининг қуриб боришига ҳамда “Стихия” фестивали анъанавий тарзда ўтказиладиган собиқ порт шаҳар — Мўйноқка бағишланган.
Инсталляция ишлов берилмаган темирдан тайёрланган металл портал бўлиб, унинг юзаси Оролнинг собиқ тубида қолган занглаган кемаларни эслатади. Порталдан ўтилганда овозли композиция янграйди ва ташриф буюрувчилар денгиз, чағалайлар шовқини, кемалар ҳамда қорақалпоқ тилида гаплашаётган болалар овозларини эшитади.
Бурнинг Ман тугагач, инсталляция Невададан Лос Анжелесга кўчирилди ва шаҳардаги боғлардан бирига ўрнатилди.
Бурнинг Ман жамоаси, шунингдек, Тҳе Ласт Шоре лойиҳасига бағишланган подкастнинг алоҳида сонини ёзиб олди. У 2026-йил охиригача чиқарилиши кутилмоқда.