Сомалилик аёл Британия парламентида Стармернинг ўрнини эгаллади
Сомалилик аёл Британия парламентида Стармернинг ўрнини эгаллади
Лейбористлар партияси вакили Сагал Абди-Вали Лондоннинг Холборн ва Сент-Панкрас округидаги қўшимча сайловларда ғалаба қозонди. Жамоатлар палатасида асли сомалилик бўлган аёл Буюк Британиянинг собиқ бош вазири Кир Стармернинг ўрнини эгаллайди.
Абди-Вали 12,3 минг овоз тўплаб, 8,9 минг сайловчи қўллаб-қувватлаган Яшиллар партияси номзоди Зак Поланскини ортда қолдирди. Учинчи ўринни 1,9 минг овоз олган консерватор Юэн Кэмерон эгаллади.
Овоз бериш 8 октябрь куни бўлиб ўтди. Қўшимча сайловлар сентябрь ойида Стармер депутатлик ваколатларини топширганидан кейин тайинланган эди. Сайлов натижаларига кўра, лейбористлар ушбу округдаги ўринни ўзларида сақлаб қолишди.
Стармер бош вазир лавозимидан кетиш ва Лейбористлар партияси етакчиси ваколатларини топшириш қарори ҳақида 22 июнь куни маълум қилган эди. Бундан олдин узоқ давом этган ички сиёсий босим даври кузатилган бўлиб, бунинг оқибатида бош вазирнинг позицияси, унинг ишни давом эттириш нияти ҳақидаги аввалги баёнотларига қарамай, сезиларли даражада заифлашган эди. Ҳукумат раҳбари учун вазият май ойида Англия, Уэльс ва Шотландияда бўлиб ўтган маҳаллий сайловлардан кейин критик тус олди, уларнинг якунларига кўра лейбористлар бир ярим мингдан ортиқ ўринни бой беришди ва бу кескин ички танқидлар тўлқинига сабаб бўлди.
, ки Стармернинг Британия ҳукумати раҳбари лавозимидаги вориси аввалроқ Катта Манчестерни бошқарган Энди Бернем бўлади.