«Сити» «Ливерпул»га 3 та гол урди, «Бетис» «Реал»ни қувиб ўтди
«Энфилд»даги ўйинни баҳсли қизил ҳал қилди, Ҳусанов яна ўйнамади. «Сити» 6 ўйинда 6 ғалабага эришган ҳолда пешқадамликни давом эттирмоқда; Испанияда «Бетис» йирик ҳисобда ғалаба қозониб, «Барса»ни таъқиб қилмоқда. Кейинги турда ўзаро ўйин. Якшанба оқшомида Европа футболида рўй берган асосий воқеалар, ўйинлардаги голлар ва турнир жадвалларидаги вазият.
«Сити» «Ливерпул» дарвозасига 3 та гол урди, «Бетис» эса «Реал»ни қувиб ўтди
«Ливерпул» – «Манчестер Сити» 0:3
Голлар:
Ҳоланд, 65 (0:1). Доку, 68 (0:2). Шерки, 78 (0:3)
«Ливерпул»: Алиссон, ван Дейк, Жаке (Гомес, 88), Керкез, Араухо (Фримпонг, 75), Макаллистер, Гравенберҳ, Вирс (Ниони, 66), Барколя (Киеза, 88), Муниос, Кумас (Нгумоа, 75)
«Манчестер Сити»: Доннарумма, Рубен Диаш, Гейи, ЎРайли (Гвардиол, 66), Матеуш Нунеш, Андерсон, Фернандес (Буадди, 80), Шерки, Семенио, Ндиай (Доку, 56), Ҳоланд (Аллан, 80)
Огоҳлантиришлар: Арауҳо, 8. Гравенберҳ, 47. ван Дейк, 90 – ЎРайли, 58. Буадди, 86
Четлатиш: Гравенберҳ, 62 (иккинчи сариқ)
«Манчестер Сити» молиявий фирибгарликларда айбланганидан сўнг илк учрашувини «Энфилд»да ўтказди. Трибунадаги мезбон мухлислар эса рақибнинг ҳар бир тўпга тегишини ҳуштаклар билан кутиб олди ва «Чеац!» (ғирромчилар) деб бақиришди.
«Ливерпул» бу баҳс олдидан таркибда жиддий йўқотишларга дуч келганди: халқаро танаффус вақтида жамоанинг ҳужум чизиғи бутунлай заифлашган эди (Исак, Гакпо ва Собослаи сафдан чиққан) ва Андони Ираола бошланғич таркибда 21 ёшли вингер Кумасни марказий ҳужумчи сифатида майдонга туширишга мажбур бўлди.
Учрашувнинг биринчи бўлими иккала жамоа ҳам халқаро танаффусда анчагина куч йўқотганини кўрсатди: «Сити»да ҳам, «Ливерпул»да ҳам миллий терма жамоа йиғинларидан қайтган футболчилар жуда кўп эди.
Статистик жиҳатдан мезбонлар бироз устунлик қилди, бироқ бўлим давомида ҳақиқий голли вазиятлар юзага келмади. Ҳар икки жамоа мураббийи ҳам таваккалга бормади ва эҳтиёткор услубни танлади.
Иккинчи бўлимда ниҳоят жамоалар футбол ўйнай бошлади. Аввал «Ливерпул» ҳужумга ўтди ва кетма-кет хавфли вазиятлар яратди. 49-дақиқада Кумас хавфли зарба берди, Доннарумма тўпни қайтарди. Ҳужумнинг иккинчи темпида Маккалистер ҳам хавфли зарба йўллади, бу сафар тўп устун ёнидан ўтиб кетди. Гравенберҳнинг зарбаси ҳам аниқ чиқмай қолди.
Мезбонлар зарбалар бўйича 12:4 ҳисобида устунлик қилаётганди ва ҳисоб очилиши муқаррардек туюларди. Аммо 56-дақиқада «Сити» бош мураббийи Энсо Мареска ҳал қилувчи ўзгаришни амалга оширди: майдонда борлиги сезилмаган Ндиай ўрнига Доку туширилди ва воқеалар қуйидагича давом этди: