Синдоров ва Ассаубаева — ФИДЕ Сирсуит рейтингида пешқадам

**Синдоров ва Ассаубаева ФИДЕ Сирсуит рейтингида етакчилик қилмоқда**

Халқаро шахмат федерацияси (ФИДЕ) 2026-йилги ФИДЕ Сирсуит айланма тизими бўйича шахматчиларнинг янгиланган рейтингини эълон қилди.

АҚШда бўлиб ўтган Гранд Чесс Тоур сериясининг Саинт Лоуис Рапид & Блитз 2026 ва Синқуефиелд Суп 2026 мусобақалари якунига кўра, ўзбекистонлик гроссмейстер Жавоҳир Синдоров биринчи ўринга кўтарилди. Синқуефиелд Суп 2026 турнирида ғолиб чиққан америкалик шахматчи Уесли Со иккинчи ўринни эгаллади. Ўзбекистоннинг иккинчи рақамли гроссмейстери Нодирбек Абдусатторов Франсиядаги Эспорц Ворлд Суп турниридаги омадсиз иштирокидан сўнг учинчи поғонага тушиб кетди.

ФИДЕ Сирсуит аёллар рейтингида ҳам сезиларли ўзгаришлар кузатилди. АҚШдаги Саирнс Суп турнири якунига кўра, қозоғистонлик Бибисора Ассаубаева ўзининг биринчи ўриндаги мавқеини сақлаб қолди. Хитойлик Жу Жинер иккинчи, аввалги етакчи Ваишали Рамешбабу эса учинчи ўринни эгаллади.

Аёллар ўртасидаги Осиё чемпионатидаги муваффақиятли иштироки натижасида ўзбекистонлик гроссмейстер Афруза Ҳамдамова рейтингнинг кучли ўнлигидан жой олди.

Маълумот ўрнида, ФИДЕ Сирсуит рейтинги пешқадами 2028-йилги Номзодлар турнирига йўлланма олади.