Сиетлда Ўзбекистон Бош консулхонаси очилди
Сиетлда Ўзбекистон Бош консулхонасининг тантанали очилиши бўлиб ўтди. Янги ваколатхона АҚШнинг Ғарбий соҳилида фаолият юритади.
Сиетлда Ўзбекистон Бош консулхонаси иш бошлади
Сиетл шаҳрида Ўзбекистон Бош консулхонасининг тантанали очилиш маросими ўтказилди. Консулхона жорий йил баҳоридан бери фаолият юритиб келмоқда.
Мазкур тадбир АҚШнинг Ғарбий соҳилидаги дипломатик ваколатхонанинг расман ишга туширилганини англатди.
АҚШнинг йирик мегаполислари — Сиетл, Филаделфия, Чикаго ва Орландо шаҳарларида янги дипломатик ваколатхоналар очилиши Америка–Ўзбекистон бизнес ва инвестиция кенгашини тузиш ҳақидаги Президент фармонида назарда тутилган.
Консулликларнинг асосий вазифаларидан бири мамлакат бўйлаб ўзбек диаспоралари билан интеграцияни таъминлаш, шунингдек, савдо-иқтисодий лойиҳаларни илгари суришга кўмаклашиш этиб белгиланган.
Сиетлдаги дипломатик ваколатхона Вашингтондаги элчихона маслаҳатчи-вакили, АҚШда Президент Администрацияси вакили сифатида фаолият юритаётган Комил Алламжоновга ҳам бевосита кўмак беради.
Дипломатик ҳузурнинг кенгайтирилишигача Ўзбекистоннинг АҚШдаги ягона ваколатхоналари Вашингтондаги элчихона ва Ню-Ёркдаги Бош консулхона эди.
Сиетлдаги ваколатхона очилиши билан республика фуқаролари ва Тинч океани соҳилидаги тадбиркорлар тўлақонли дипломатик ва консуллик вакилига эга бўлди.