Шомуродов «Башакшеҳир» учун тўртинчи голини урди
Ўзбекистон терма жамоаси сардори Элдор Шомуродов «Башакшеҳир»нинг ўз уйида «Галатасарой»дан 3:2 ҳисобида мағлубиятга учраган ўйинида клубдаги тўртинчи голини урди.
Шомуродов «Башакшеҳир» таркибидаги тўртинчи голини урди
Ўзбекистон миллий терма жамоаси сардори Элдор Шомуродов Истанбулнинг «Башакшеҳир» клуби сафида тўртта ўйиндаги тўртинчи голини урди, бироқ унинг жамоаси Туркия чемпионатининг тўртинчи турида ўз майдонида «Галатасарой»га 2:3 ҳисобида имкониятни бой берди.
«Галатасарой» ҳужумчиси Виктор Осимхен 16-дақиқада меҳмонларни олдинга олиб чиққан бўлса, 66-дақиқада Шомуродов пенальтидан ҳисобни тенглаштирди. Орадан беш дақиқа ўтиб, Лукас Торрейра «Галатасарой»ни яна олдинга олиб чиқди, аммо 76-дақиқада «Галатасарой» ҳимоячиси Давинсон Санчеснинг автоголи эвазига ҳисоб яна тенглашди. Шундан сўнг, Габриэль Сара учрашувнинг сўнгги дақиқаларида ҳал қилувчи голни урди.
UzDaily.uz хабарига кўра, Ўзбекистон миллий терма жамоаси ярим ҳимоячиси Аббосбек Файзуллаев «Башакшеҳир»нинг бошланғич таркибида майдонга тушди ва алмаштирилгунга қадар 74 дақиқа ўйнади.